Գլխավոր Լուրեր Արմեն Սարգսյանը ցավակցական հեռագիր է հղել Վլադիմիր Պուտինին

Արմեն Սարգսյանը ցավակցական հեռագիր է հղել Վլադիմիր Պուտինին

12
0
ՀՀ նախագահ Արմեն Սարգսյան

Հայաստանի Հանրապետության նախագահ Արմեն Սարգսյանը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին՝ Կրասնոյարսկի երկրամասում տեղի ունեցած ողբերգական պատահարի կապակցությամբ:

Նախագահ Սարգսյանն իր ցավակցություններն է հայտնել զոհերի հարազատներին ու մերձավորներին, տուժածներին մաղթել շուտափույթ ապաքինում:

Ինչպես հայտնի է, արտակարգ դեպք է տեղի ունեցել Ռուսաստանի զինված ուժերի զորավարժության ժամանակ, որի եզրափակիչ փուլը ղեկավարել է անձամբ նախագահ Վլադիմիր Պուտինը։ Դեպքը եղել է հոկտեմբերի 17-ին, սակայն դրա մասին հայտնի է դարձել միայն այսօր, այն էլ՝ ռուսական մամուլի անանուն աղբյուրներից։

SHANTNEWS.am-ի փոխանցմամբ` զորավարժության այդ փուլում նախատեսված էր ռուսական նավատորմի «Ռյազան» միջուկային սուզանավից արձակել երկու միջմայրցամաքային «Չիժա» հրթիռներ։ Սակայն մեկնարկ հրամանից հետո արձակվել է հրթիռներից միայն մեկը։ Մյուսը լռվել է արձակման հանգույցում։
Անհաջող արձակման պատճառները դեռ հայտնի չեն, սակայն հավանական է, որ խնդիրը կապված է եղել մեկնարկի հրահանգը տեղ հասցնելու հանգույցներում տեղի ունեցած խափանման հետ։ Սուզանավը մշտական տեղակայման վայր է ժամանել «տանը մնացած» հրթիռով։
Ռուսաստանի պաշտպանության նախարարությունը հրապարակել է մյուս ռազմանավերից ու ցամաքային արձակման կետերից նմանատիպ հրթիռների արձակման կադրեր, բայց չհաջողված արձակումը կատարած նավից կադրեր չեն հրապարակվել։

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ