Գլխավոր Իրավական Արտակարգ դեպք Տավուշում. կրակոց` դասասենյակում

Արտակարգ դեպք Տավուշում. կրակոց` դասասենյակում

232
0

Տավուշի մարզում փետրվարի 26-ին արտակարգ դեպք է տեղի ունեցել. երեկոյան ոստիկանության Նոյեմբերյանի բաժին ահազանգ է ստացվել Բարեկամավան բնակավայրի միջնակարգ դպրոցի տնօրեն Աստղիկ Ազատյանից, որը հայտնել է, որ նույն օրը, ժամը 11։30-ի սահմաններում, դպրոցում երկար դասամիջոցի ընթացքում մի քաղաքացի մտել է դպրոց եւ պատմության դասասենյակում աշակերտների ներկայությամբ իր մոտ եղած ատրճանակից կրակոց է արձակել, ինչի հետեւանքով վնասվել է դասասենյակի պատուհանի ապակին։

Այս մասին հայտնում է Shamshyan.com-ը: Ըստ նախնական տեղեկությունների՝ բարեբախտաբար, տուժածներ չկան։

Ոստիկանները պարզել են, որ կրակոցն արձակել է նշված դպրոցի նախկին սան, նույն գյուղի բնակիչ, 21-ամյա Գեղամ Մ.-ն, որը բերման է ենթարկվել ոստիկանության Նոյեմերյանի բաժին, որտեղ կատարվածի մասին բացատրություն տալուց հետո բաց է թողնվել։

Նյութը՝ սկզբնաղբյուր կայքում