Գլխավոր Մամուլ Ի՞նչ է լինելու ուժային կառույցներում. «Հրապարակ»

Ի՞նչ է լինելու ուժային կառույցներում. «Հրապարակ»

36
0

«Հրապարակ»-ը գրում է.

«Ոստիկանության պետի և ԱԱԾ տնօրենի պաշտոնները «քաղաքացիականացնելու» աղմկահարույց նախագիծը ներառված չէ այսօր մեկնարկող ԱԺ քառօրյայի օրակարգում։ Խոսքն այն նախագծի մասին է, որով առաջարկվում է ԱԱԾ տնօրեն ու ոստիկանապետ նշանակել այն անձանց, որոնք համապատասխանում են պատգամավորի համար սահմանված չափանիշներին: Այսինքն՝ այլևս պարտադիր չի լինելու, որ այս պատասխանատու պաշտոններում նշանակվեն համակարգից համապատասխան փորձառությամբ՝ ստաժով ու կոչումով պաշտոնյաներ, այլ կարող են նշանակվել 25 տարին լրացած այն անձինք, ովքեր 4 տարի Հայաստանում մշտական բնակության տեղեկանք կներկայացնեն։

Հոկտեմբերի 22-ին իշխող խմբակցությունն անսպասելի մերժեց առաջին ընթերցում անցած նախագիծը՝ երկրորդ ընթերցման ժամանակ հայտարարվեց, որ սահմանված ընթացակարգի համաձայն՝ այն «վերադառնում» է առաջին ընթերցման դիրքերին, իսկ դա նշանակում է, որ պատգամավորները երկշաբաթյա ժամկետ են ունենալու՝ վերջնական որոշում կայացնելու համար՝ ընդունո՞ւմ են այն, թե՞ ոչ, և այդ ընթացքում կարող են առաջարկներ ներկայացնել։ Ժամկետը լրացել է, սակայն որոշում և առաջարկներ դեռևս չկան»։