Գլխավոր Աշխարհ Խաղաղություն ցանկանալը հանցանք է դարձել. Կարո Փայլան

Խաղաղություն ցանկանալը հանցանք է դարձել. Կարո Փայլան

19
0

Սիրիա ներխուժած թուրքական զինուժի գործողություններին դեմ արտահայտվողների նկատմամբ Թուրքիայում իրականացվում են քրեական հետապնդումներ: Այս մասին գրում է ermenihaber.am-ը:

Այս խնդրին անդրադարձել ու դատապարտել է ընդդիմադիր քրդամետ «Ժողովուրդների դեմոկրատական» կուսակցությունից (HDP-ԺԴԿ) ընտրված Թուրքիայի խորհրդարանի հայ պատգամավոր Կարո Փայլանը:

Նա Twitter-ում կատարած գրառման մեջ մասնավորապես ասել է.

«Խաղաղություն ցանկանալը Թուրքիայում հանցանք է դարձել, պարոն նախագահ:

«Ո՛չ պատերազմին, խաղաղություն հենց հիմա» միտքը հնչեցրած 9 ԺԴԿ-ական կալանավորվել է:

Ոչ թե խաղաղություն, այլ պատերազմ ցանկանալն է հանցանք»:

Հիշեցնենք, որ հոկտեմբերի 13-ին ԺԴԿ-ականները փորձել են Ստամբուլի Բեշիքթաշ թաղամասում ԺԴԿ-ի հիմնադրման 7-ամյակին նվիրված հանրային միջոցառում անցկացնել: Միջոցառման ընթացքում քննադատություններ են հնչել Թուրքիայի կողմից Սիրիայում քրդերի դեմ իրականացվող «Խաղաղության ակունք» ռազմագործողության հասցեին: Դրանից հետո ոստիկանությունը միջամտել էր ու դադարեցրել միջոցառումը: Այդ ընթացքում ձերբակալվել էր 9 ԺԴԿ-ական, որոնք կալանավորվել են «ահաբեկչական կազմակերպության օգտին քարոզչություն անելու» մեղադրանքով: 

 

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ