Գլխավոր Հասարակություն Ձեզնից պահանջվում է սկզբունքայնություն. Բադասյանը շնորհավորել է ՔԿ ծառայողներին

Ձեզնից պահանջվում է սկզբունքայնություն. Բադասյանը շնորհավորել է ՔԿ ծառայողներին

19
0
ՀՀ արդարադատության նախարար Ռուստամ Բադասյանը շնորհավորել է Քրեակատարողական ծառայողի օրը՝ նշելով, որ ՀՀ կառավարությունը աշխատանքներ կիրականացնի այս համակարգում ևս աշխատավարձերի ու սոցիալական երաշխիքների բարձրացման ուղղությամբ: Նախարարի շնորհավորանքում նշվում է.
«Քրեակատարողական ծառայության հարգելի՛ աշխատակիցներ,
Արդարադատության նախարարության և անձամբ իմ անունից շնորհավորում եմ ձեզ Քրեակատարողական ծառայողի օրվա կապակցությամբ:
Մարդու իրավունքների պաշտպանությունը, օրենքի գերակայությունը, մարդասիրությունը, կյանքի դժվարին իրավիճակում հայտնված քաղաքացուն ձեռք մեկնելու ու նրա վերասոցիալականացմանը նպաստելու կարողությունը պետք է լինեն ձեր աշխատանքի ուղենիշերը:
Քրեակատարողական հիմնարկում պատիժը կրելուց հետո անձը, արդեն որպես օրինապաշտ քաղաքացի, պետք է պատրաստ լինի հասարակություն ու նորմալ կյանքի վերադառնալուն: Մեր այդ նպատակին հասնելու ճանապարհը որոշված է. ՔԿՀ-ներում պահվող անձանց պետք է ապահովենք կրթություն ստանալու, աշխատելու, հոգևոր և մշակութային զարգացմամբ, սպորտով զբաղվելու հնարավորությամբ: Միայն զբաղվածությունը, ինքնակրթվելն ու զարգանալը կնպաստի տարբեր խնդիրների վերացմանն ու լուծմանը:  Վստահ եմ՝ փոքր, բայց հաստատուն քայլերով մենք միասին կհասնենք մեր ընդհանուր նպատակին:
Խնդիրներով ու մարտահրավերներով ճանապարհին ձեզնից պահանջվում է սկզբունքայնություն, պատրաստվածության բարձր աստիճան ու նվիրում, իսկ Արդարադատության նախարարությունը Կառավարության գլխավորությամբ աշխատանքներ կիրականացնի աշխատավարձերի ու սոցիալական երաշխիքների բարձրացման ուղղությամբ:
Կրկին շնորհավորում եմ բոլորիդ մասնագիտական տոնի կապակցությամբ, մաղթում եմ ծառայողական առաջընթաց ու բարի ծառայություն, իսկ ձեր ընտանիքներին՝ երջանկություն և բարօրություն»։

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ