Գլխավոր Հասարակություն Ոչ մի դատական հայց մեզ ոչ մի րոպե հետ չի կանգնեցնելու համակարգը...

Ոչ մի դատական հայց մեզ ոչ մի րոպե հետ չի կանգնեցնելու համակարգը մաքրելուց

9
0

Ինչքան առողջապահության մեջ կոռուպցիայի դեմ ավելի խորն ենք պայքարում, այնքան իմ դեմ դատական հայցերը շատանում են:

Այս մասին ֆեյսբուքի իր էջում գրել է ՀՀ առողջապահության նախարար Արսեն Թորոսյանը՝ անդրադառնալով նախկին նախարար Արմեն Մուրադյանի կողմից իր դեմ դատական հայցին:

«2018 մայիսի 12-ից զբաղեցնում եմ առողջապահության նախարարի պաշտոնը: Բոլորս էլ լավ գիտենք, թե ինչ վիճակում էր գտնվում առողջապահության ոլորտը, և ես քաջ գիտակցում էի, որ կոռումպացված համակարգը պետք է քանդվեր` այլապես հնարավոր չէին լինի դրական փոփոխությունները: Առողջապահության ոլորտի զարգացմանը զուգահեռ սկսեցինք ուսումնասիրություններ տարբեր բուժհաստատություններում, որտեղ բազմաթիվ չարաշահումներ հայտնաբերվեցին:

Ինչքան առողջապահության մեջ կոռուպցիայի դեմ ավելի խորն ենք պայքարում, այնքան իմ դեմ դատական հայցերը շատանում են: Եվ դա շատ լավ է` նշանակում է ճիշտ տեղին ենք խփում:

Սակայն, ոչ մի դատական հայց մեզ ոչ մի րոպե հետ չի կանգնեցնելու համակարգը մաքրելուց, դա անելու ենք մինչև վերջ, քանի որ մեր քաղաքացիները պետք է ի վերջո ստանան լավագույն բուժօգնությունը, իսկ բուժաշխատողները ունենան արժանապատիվ աշխատանքային պայմաններ:

Ի դեպ լավ էլ ակումբ է ձևավորվել ինձ դատի տվողների, Սերժ Սարգսյանի խնամի` Արա Մինասյան, Արմեն Մուրադյան»,-գրել է նախարարը:

Հիշեցնենք, որ Մուրադյանը Թորոսյանից պահանջում է զրպարտչական արտահայտությունների հերքում եւ պատճառված վնասի հատուցում:

Հայցը ներկայացվել է հոկտեմբերի 2-ին: Գործը մակագրվել է Երեւան քաղաքի ընդհանուր իրավասության դատարանի դատավոր Գրիգորի Վարդանյանին:

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ