Գլխավոր Հասարակություն Պարզվել է գերմանացի ուղևորից 34,000 դրամ պահանջած տաքսու վարորդի ինքնությունը

Պարզվել է գերմանացի ուղևորից 34,000 դրամ պահանջած տաքսու վարորդի ինքնությունը

53
0

Դեկտեմբերի 12-ին սոցցանցերում հրապարակում էր արվել, ըստ որի՝ «Աէրոպորտ սերվիս» տաքսի ծառայության վարորդներից մեկը գերմանացի զբոսաշրջիկին «Զվարթնոց» օդանավակայանից Հանրապետության հրապարակ հասցնելու դիմաց ստացել է 34,000 դրամ՝ ներկայացնելով համապատասխան կտրոն։

Ինչպես տեղեկացնում է Ոստիկանության լրատվության վարչության պետի տեղակալ Էդգար Ջանոյանը, հրապարակման հիման վրա ոստիկանության «Զվարթնոց» օդանավակայանի գծային բաժնում սկսվել է նյութերի նախապատրաստման գործընթաց։

Ոստիկանության ծառայողները պարզել են, որ զբոսաշրջիկին Հանրապետության հրապարակ տարած անձը անհատ տաքսու վարորդ է։  38-ամյա տղամարդը ոստիկանության «Զվարթնոց» օդանավակայանի գծային բաժնում տվել է բացատրություն։

Հանգամանքները պարզվում են։