Երկուշաբթի , 11 Դեկտեմբեր 2017

  •  USD   Առք` 482.50   Վաճառք` 486.50   ՀՀ ԿԲ` 485.25   
  •  EUR   Առք` 568.00   Վաճառք` 576.00   ՀՀ ԿԲ` 569.44   
  •  CHF   Առք` 479.00   Վաճառք` 492.00   ՀՀ ԿԲ` 486.81   
  •  GBP   Առք` 638.00   Վաճառք` 656.00   ՀՀ ԿԲ` 653.97   
  •  RUB   Առք` 8.11   Վաճառք` 8.28   ՀՀ ԿԲ` 8.18   
  •  GEL   Առք` 167.00   Վաճառք` 187.00   ՀՀ ԿԲ` 180.81   
outputra5huxgif
Sunny
Home » Լուրեր » 100 տարին խիստ է. ՏՄՊՊՀ ղեկավարը՝ նախարարին

100 տարին խիստ է. ՏՄՊՊՀ ղեկավարը՝ նախարարին

100 տարին խիստ է. ՏՄՊՊՀ ղեկավարը՝ նախարարին
Դեկտեմբեր 7, 2017 18:05 Լուրեր, Հասարակություն A+ / A-

Տնտեսական զարգացման եւ ներդրումների նախարար Սուրեն Կարայանն այսօր ներդրումային մի քանի ծրագիր ներկայացրեց կառավարության նիստում, որոնցից մեկը վերաբերում էր «Արենի» գինու գործարանի ներմուծած սարքավորումներին ու նյութերին: Նախարարի խոսքով` գործարանը  ներմուծվող սարքավորումներն ու նյութերը կօգտագործի գինու եւ կոնյակի համար, կստեղծվի 85 աշխատատեղ:

Կարայանը նաև տեղեկացրեց, որ դեկտեմբերի 15-ին բացվելու է Մեղրու ազատ տնտեսական գոտին և խնդրեց հաստատել «Մեղրու ազատ տնտեսական գոտի» ՓԲԸ բացելու նախագիծը:

Ներդրումային մյուս նախագիծը կոչվում է «Հին Խնձորեսկ»: Ըստ նախագծի՝ նախատեսվում է Խնձորեսկ գյուղում զարգացնել զբոսաշրջությունը, 25 մլն դոլարի ներդրումներ անել: «Աշխատանքներ են տարվում հայտնի ընկերությունների հետ: Բայց ներդրման ծրագիրն անելու համար պետական որոշ աջակցություն է անհրաժեշտ»,- ասաց Կարայանը եւ մանրամասնեց, թե խոսքն ինչի մասին է:

Սակայն Տնտեսական մրցակցության պաշտպանության պետական հանձնաժողովի (ՏՄՊՊՀ) ղեկավար Արտակ Շաբոյանն առարկություն ուներ: Նրա խոսքով՝ նախարարությունն առաջարկն իրենց հետ չի քննարկել եւ այդ մասին ինքն այսօր է տեղեկացել:

Շաբոյանի խոսքով՝ այն տնտեսավարողները, որոնք հետագայում կցանկանան Խնձորեսկ գյուղում ներդրումներ անել, չեն կարողանա, քանի որ ներկայացված նախագծում 100 տարվա սահմանափակում կա: «100 տարին խիստ է գրված»,- ասաց ՏՄՊՊՀ ղեկավարը:

Կարայանը ցանկացավ արձագանքել և վարչապետի թույլտվությամբ առաջարկեց.
«Մեկ օր ժամանակ տաք` քննարկենք»:

Սոնա Դավթյան

Նման թեմաներ

scroll to top