Գլխավոր Լուրեր Որտե՞ղ էր թաքնվել Գյումրիում կորած աղջիկը. մանրամասներ

Որտե՞ղ էր թաքնվել Գյումրիում կորած աղջիկը. մանրամասներ

3
0

Գյումրիում որպես անհետ կորած  որոնվող 14 ամյա աղջկան ոստիկանները հայտնաբերել են ծանոթներից մեկի տանը:

Ինչպես ավելի վաղ տեղեկացրել էինք Ոստիկանության ծառայողների որոնողական աշխատանքների արդյունքում փետրվարի 28-ին որոնվող 14-ամյա Անժելա Վարդևանյանը հայտնաբերվել էր Գյումրիում:

Sputnik Արմենիային Շիրակի մարզի դատախազ Կարեն Գաբրիելյանը տեղեկացրեց, որ աղջիկն ինքը վկայություն է տվել այն մասին, որ իրեն ոչ մեկը չի առևանգել և իր հանդեպ բռնի ուժ  չի կիրառվել:

«Նախապատրաստվում են նյութեր: Իրականացվելու է դատաբժշկական փորձաքննություն»,-նշեց Կարեն Գաբրիելյանը:

Ավելի վաղ տեղեկություն էր տարածվել այն մասին, որ ՀՀ ոստիկանության Մուշի բաժնի կողմից որպես անհետ կորած որոնվում է Գյումրի քաղաքի բնակիչ, 2005 թվականին ծնված Անժելա Վարդևանյանը: Նա փետրվարի 26-ին ժամը 10-ն անց 30-ի սահմաններում դուրս էր եկել տնից՝ դպրոց գնալու նպատակով:

Read more: https://armeniasputnik.am/incidents/20190228/17546365/vortex-er-taknvel-gyumrium-korac-axjiky-shiraki-marzi-dataxazy-manramasner-e-patmel.html