Չորեքշաբթի , 13 Դեկտեմբեր 2017

  •  USD   Առք` 480.50   Վաճառք` 484.50   ՀՀ ԿԲ` 484.11   
  •  EUR   Առք` 562.00   Վաճառք` 570.00   ՀՀ ԿԲ` 570.43   
  •  CHF   Առք` 477.00   Վաճառք` 490.00   ՀՀ ԿԲ` 489.30   
  •  GBP   Առք` 633.00   Վաճառք` 651.00   ՀՀ ԿԲ` 646.00   
  •  RUB   Առք` 8.08   Վաճառք` 8.25   ՀՀ ԿԲ` 8.23   
  •  GEL   Առք` 174.00   Վաճառք` 194.00   ՀՀ ԿԲ` 184.77   
outputra5huxgif
Clear
Home » Լուրեր » Ադրբեջանը այսուհետ էլ կշարունակի իր փող լվանալու քաղաքականությունը

Ադրբեջանը այսուհետ էլ կշարունակի իր փող լվանալու քաղաքականությունը

Սեպտեմբեր 12, 2017 16:32 Լուրեր, Տեսանյութ, Քաղաքական A+ / A-

Որքան փող լվանում է Ադրբեջանը, երկու անգամ ավելի ծախսում է իր լոբբիստական գործունեության համար: Նման միտք այսօր լրագրողների հետ հանդիպմանը հայտնեց միջազգայնագետ Սուրեն Սարգսյանը:

«Միացյալ Նահանգներում վերջին մի քանի տարիներին, համենայն դեպս, այն բացահայտումները, որը ես եմ կարողացել անել, մոտավորապես կազմել է 15-20 մլն: Դա այն գումարն է, որը մենք բացահայտ կարողացել ենք գտնել, որ Ադրբեջանի կոնկրետ կազմակերպությունից գնացել է Ամերիկայի կոնկրետ լոբբիստական կազմակերպություն: Բայց կան էլի միլիոններ և կազմակերպություններ, որոնց մասին մենք դեռ տեղեկատվություն չունենք, և այս ուղղությամբ շարունակում ենք աշխատել»,- նշեց միջազգայնագետը, հավելելով, որ ԱՄՆ-ն բացառիկ չէ, կան նաև այլ եվրոպական երկրներ:

Բանախոսը նաև ընդգծեց, որ  Ադրբեջանի` այլ երկրներին կաշառելու հանգամանքը բացառիկ երևույթ չէ Ադրբեջանի համար. «Նրանք որքան ծախսում են լվանալու վրա, այնքան ծախսում են այդ լվացքը, այսպես ասած, քողարկելու և իրենց դրական իմիջը ամբողջ աշխարհին ներկայացնելու համար: Այսօր Իլհամ Ալիևը, ինչպես նաև իր թուրք ավագ եղբայր Էրդողանը համաշխարհային քաղաքականության մեջ այնպիսի մարդիկ են, որոնց այսքան ժամանակ ոչ ոք չի կարողանում պատժել որևէ բանի համար»:

Սուրեն Սարգսյանի կարծիքով` այս բացահայտումից հետո էլ ոչինչ չի փոխվելու, որովհետև նման դեպքեր եղել են, և դրանից հետո ոչինչ չի փոխվել:

Ասուլիսին Սարգսյանը նաև անդրադարձավ վերջին շրջանում Հայաստանի և Ադրբեջանի հոգևոր առաջնորդների հանդիպմանը և նշեց, որ, ըստ էության, նման հանդիպումները որևէ արդյունք չեն տալիս. «Հոգևոր առաջնորդների հանդիպումը նորություն չէր, և սա իր արդյունքն ըստ էության չի տալիս, որովհետև այդուհանդերձ հանդիպումները տեղի են ունենում, բանակցություններ են տեղի ունենում, բայց Ադրբեջանի ագրեսիվ քաղաքականությունը դրանից որևէ փոփոխության չի ենթարկվում»:

Մանրամասները` տեսանյութում:

Էմմա Հովսեփյան

Նման թեմաներ

scroll to top