Երեքշաբթի , 20 Օգոստոս 2019

    outputra5huxgif
    °
    Home » Լուրեր » Ադրբեջանը Վրաստանից բացատրություն է պահանջում

    Ադրբեջանը Վրաստանից բացատրություն է պահանջում

    Ադրբեջանը Վրաստանից բացատրություն է պահանջում
    Հուլիս 16, 2019 15:50 Լուրեր, Միջազգային A+ / A-

    Բաքուն հուլիսի 14-ին Վրաստանի և Ադրբեջանի սահմանին գտնվող Դավիթ Գարեջիի վանական համալիրի տարածքում տեղի ունեցած միջադեպի հետ կապված Ադրբեջանում Վրաստանի դեսպան Զուրաբ Պատարիձեից բացատրություն է պահանջել: Այս մասին տեղեկացնում է Aliq.ge-ն:

    «Թրենդ» գործակալությունը` հղում անելով Ադրբեջանի ԱԳՆ-ին, գրում է, որ հուլիսի 14-ին Վրաստանից մի խումբ քաղաքացիներ խախտել են Ադրբեջանի պետական սահմանը և վիրավորել սահմանապահներին, որոնք իրենց պարտականություններն էին կատարում Ադրբեջանի տարածքում: Դեպքի հետ կապված Վրաստանի արտաքին գործերի նախարարությունը հայտարարություն է տարածել:

    Հիշեցնենք, որ հուլիսի 14-ին ողջ օրվա ընթացքում սոցիալական ցանցերում տեղեկատվություն էր տարածվում, որ Դավիթ Գարեջիում լարված իրավիճակ է: Ավելի ուշ, ՆԳՆ-ն հայտարարություն տարածեց՝ նշելով, որ համալիրի տարածքում խաղաղ վիճակ է:

    Հատկանշական է, որ Դավիթ Գարեջիի զբոսավար Զվիադ Անանիաշվիլին էլ հայտարարել էր, որ Դավիթ Գարեջի վանական համալիրի տարածքում գտնվող Ուդաբնոյի վանքերից ադրբեջանցի սահմանապահները հանել են վրացական սրբապատկերները։

     


    Նման թեմաներ

    scroll to top