Գլխավոր Լուրեր Ահազանգ. ոսկու հանքի թափոնները լցվում են Չքնաղ գետը. հայտնաբերվել են մեծ թվով...

Ահազանգ. ոսկու հանքի թափոնները լցվում են Չքնաղ գետը. հայտնաբերվել են մեծ թվով սատկած ձկներ

8
0

«Լոռե Էկո-ակումբ» ՀԿ-ի նախագահ Մանյա Մելիքջանյանը ֆեյսբուքյան իր էջում գրել է. «Սոս Զորագետ.
Ոսկու հանքի թափոնները լցվում են գետը:
Լոռու մարզի Չքնաղ գետում (Զորագետի վտակ) հայտնաբերվել են մեծ թվով սատկած ձկներ.
Ստեփանավան քաղաքի բնակիչները ահազանգել են «Լոռե էկո-ակումբ» ՀԿ` պատմելով, քաղաքի մոտ գտնվող Ձորագետ գետի վիճակը օրեցօր վատանում է: Նրանք նշում են, որ Արմանիսի ոսկու բազմամետաղանոց հանքը թույնել է մոտ երկու կիլոմետր Զորագետ գետի տարածքը: Նշված տարածքում տեղացիները մեծ քանակությամբ սատկած ձկներ են հայտնաբերել: Գործարանն ամբողջական չի աշխատում, սակայն էլի մեծ չարիք է չքնաղ Լոռվա աշխարհի համար:
Բնակիչների համոզմամբ՝ պատճառը Արմանիսում գործող ոսկու հանքից արտահոսող կեղտաջրերն են, որոնք լցվում են գետը: Տեղացիներն ասում են, որ ձկների սատկելու պատճառը Արմանիս գյուղի վարչական տարածքում գործող ոսկու հանքի շահագործումն է, քանի որ այնտեղից դուրս եկած կեղտաջրերը լցվում են գետը և իրենց սև գործն անում.
«Լոռե էկո-ակումբ» ՀԿ-ն նշում է, որ Ձորագետի խնդիրը նոր չէ, տարիներ շարունակ գետը աղտոտվում է Արմանիսի ոսկու հանքի բաց եղանակով շահագործման հետևանքով: Հանքավայրը, ինչպես նաև ոսկու ֆաբրիկան տեղակայված են բնակավայրերին շատ մոտ: Բնակիչները տարիներ շարունակ բարձրացնում են ձեռնարկության գործունեությունը հասարակական մոնիթորինգի ենթարկելու հարցը:
Վերը նշված խնդիրը լուծելու նպատակով «Լոռե էկո-ակումբ» ՀԿ-ն դիմել է Շրջակա միջավայրի նախարարության թեժ՝ գիծ սույն բարբարոսությունը դատապարտելու , պատժելու և պատասխանատվության ենթարկելու պատկան մարմինների ներկայացուցիչների:
Փրկեք մեր քաղաքի ապագան»: