Շաբաթ , 27 Մայիս 2017

  •  USD   Առք` 479.50   Վաճառք` 483.50   ՀՀ ԿԲ` 481.77   
  •  EUR   Առք` 530.00   Վաճառք` 545.00   ՀՀ ԿԲ` 540.26   
  •  CHF   Առք` 481.00   Վաճառք` 499.00   ՀՀ ԿԲ` 496.36   
  •  GBP   Առք` 605.00   Վաճառք` 623.00   ՀՀ ԿԲ` 619.89   
  •  RUB   Առք` 8.34   Վաճառք` 8.60   ՀՀ ԿԲ` 8.50   
  •  GEL   Առք` 186.00   Վաճառք` 207.00   ՀՀ ԿԲ` 199.51   
outputra5huxgif
Partly Cloudy
18°
Home » Լուրեր » ԱԻՆ աշխատակիցները հանրապետական մրցույթի 7 մարզաձի հաղթողներ են դարձել

ԱԻՆ աշխատակիցները հանրապետական մրցույթի 7 մարզաձի հաղթողներ են դարձել

Մայիս 19, 2017 17:13 Լուրեր, Հասարակություն A+ / A-

AIN

Մայիսի 19-ին ՀՀ արտակարգ իրավիճակների նախարար Դավիթ Տոնոյանը պարգևատրել է նախարարության  հաշմանդամություն ունեցող 9 աշխատակցի, ովքեր մայիսի 17-19-ին մասնակցել էին «Գրացիա» հայկական կարմիր խաչի ընկերության միջազգային վերականգնողական կենտրոնում անցկացվող հաշմանդամների հանրապետական 15-րդ մարզական փառատոնին:

Ընդհանուր առմամբ, հաշմանդամություն ունեցողների մարզական փառատոնին մասնակցել են 16 տարեկանից բարձր շուրջ 120 հաշմանդամ մարզիկներ, որոնք ուժերն են չափել շոու-դաուն, սեղանի թենիս, բասքեթբոլ, շախմատ, լող, ծանրամարտ, բազկամարտ մարզաձևերում:

ՀՀ ԱԻՆ աշխատակիցները մասնակցություն են ունեցել 4 մարզաձևերում՝ բասկետբոլ, բազկամարտ, սեղանի թենիս և ծանրամարտ: Նրանք նվաճել են 3 ոսկե մեդալ՝ ծանրամարտ, մեկական ոսկե մեդալներ՝ բազկամարտ, սեղանի թենիս, բասքեթբոլ մարզաձևերում, ինչպես նաև՝ 1 արծաթ և 2 բրոնզ՝ բասքեթբոլ մարզաձևում:

Շնորհավորելով ԱԻ աշխատակիցներին հաղթանակների կապակցությամբ՝ նախարար Դ. Տոնոյանն իր խոսքում կարևորել է հաշմանդամություն ունեցողների ակտիվ ներգրավվածությունը մարզական կյանքին՝ որպես նրանց ակտիվ ինտեգրում հասարակությանը: Նա հույս է հայտնել, որ նվաճումները կլինեն շարունակական:

«Դուք մեծ ծառայություն եք մատուցում հայրենիքին և ապացուցում եք, որ ունեք շատ ուժեղ կամային հատկանիշներ, ինչը հպարտության մեծ առիթ է: Մենք տեսանք ձեր եռանդը ոչ միայն աշխատանքում, այլև՝ մարզադաշտում: Նշեմ, որ շատ շուտով ԱԻ նախարարությունը կունենա «Արտակարգ սպորտային ակումբ», որն էլ ավելի կմեծացնի մեր կարողությունները և կնպաստի նորանոր հաղթանակների ձեռքբերմանը», – եզրափակել է Դ. Տոնոյանը:

ԱԻ նախարարի հրամանով՝ նախարարության 9 աշխատակիցները կստանան նաև դրամական պարգևներ:

Նման թեմաներ

122488199673267500288781848048447njpg
scroll to top