Շաբաթ , 18 Նոյեմբեր 2017

  •  USD   Առք` 482.00   Վաճառք` 487.00   ՀՀ ԿԲ` 486.78   
  •  EUR   Առք` 562.00   Վաճառք` 577.00   ՀՀ ԿԲ` 574.01   
  •  CHF   Առք` 478.00   Վաճառք` 492.00   ՀՀ ԿԲ` 490.85   
  •  GBP   Առք` 627.00   Վաճառք` 647.00   ՀՀ ԿԲ` 644.89   
  •  RUB   Առք` 8.00   Վաճառք` 8.23   ՀՀ ԿԲ` 8.17   
  •  GEL   Առք` 169.00   Վաճառք` 189.00   ՀՀ ԿԲ` 178.88   
outputra5huxgif
Sunny
12°
Home » Լուրեր » Ալիեւը սպառնում է դուրս գալ Եվրոպայի խորհրդից

Ալիեւը սպառնում է դուրս գալ Եվրոպայի խորհրդից

Նոյեմբեր 14, 2017 23:27 Լուրեր, Միջազգային A+ / A-

aliev

Ադրբեջանի նախագահ Իլհամ Ալիեւն ակնարկում է Եվրոպայի խորհրդից դուրս գալու հնարավորության մասին:

Ինչպես հաղորդում է haqqin.az-ը, ելույթ ունենալով «Ենի Ազերբայջան» կուսակցության 25-րդ հոբելյանական հանդիսավոր միջոցառման ժամանակ, Ալիեւը հայտարարել է, որ վերջին ժամանակներում Ադրբեջանի ու Եվրոպայի խորհրդի հարաբերությունները արհեստական ճգնաժամ են ապրում:

«Եթե այդ ճգնաժամը խորանա, ապա, իհարկե, Ադրբեջանն իր ընտրությունն անելու իրավունք կունենա», – հայտարարել է Ալիեւը:

«15 տարուց ավել է մենք Եվրոպայի խորհրդի անդամ ենք: Սակայն Եվրոպայի խորհրդի գլխավոր քարտուղարի գործունեության հետեւանքով այդ կառույցի՝ Ադրբեջանի հետ հարաբերությունները արհեստական ճգնաժամ ապրեցին, որի նախաձեռնողները մենք չենք: Մենք միայն համարժեք միջոցներ ենք ձեռնարկում մեր դեմ երկակի ու անարդար քաղաքականության հետ կապված: Մենք երբեք անպատասխան չենք թողել մեր դեմ ուղղված գրոհները: Այդ պատճառով կարծում եմ, որ մեր ադեկվատ պատասխանը տրվել է ժամանակին: Կարծում եմ, որ այդքան ճանաչված միջազգային կառույցը, ինչպիսին Եվրոպայի խորհուրդն է, չպետք է առանձին անհատի անհաջող նկրտումների զոհը դառնա: Մենք ինքնակամ ենք անդամագրվել բոլոր կառույցներին, որոնց անդամն ենք: Այդպես էլ ինքնակամ կարող ենք դրանցից դուրս գալ: Ոչ ոք չի կարող ուժով ստիպել մեզ մնալ որեւէ կազմակերպությունում»,- ,- News.am-ի փոխանցմամբ՝ ասել է Ադրբեջանի նախագահը:

Նման թեմաներ

122488199673267500288781848048447njpg
scroll to top