Երկուշաբթի , 25 Սեպտեմբեր 2017

  •  USD   Առք` 476.00   Վաճառք` 479.50   ՀՀ ԿԲ` 477.88   
  •  EUR   Առք` 565.00   Վաճառք` 573.00   ՀՀ ԿԲ` 573.60   
  •  CHF   Առք` 478.00   Վաճառք` 495.00   ՀՀ ԿԲ` 493.63   
  •  GBP   Առք` 636.00   Վաճառք` 655.00   ՀՀ ԿԲ` 648.24   
  •  RUB   Առք` 8.20   Վաճառք` 8.38   ՀՀ ԿԲ` 8.31   
  •  GEL   Առք` 184.00   Վաճառք` 203.00   ՀՀ ԿԲ` 192.31   
outputra5huxgif
Sunny
22°
Home » Լուրեր » Ամիրյանը՝ օպերայում սաունա կառուցելու մասին (տեսանյութ)

Ամիրյանը՝ օպերայում սաունա կառուցելու մասին (տեսանյութ)

Ապրիլ 21, 2017 11:00 Լուրեր, Հասարակություն, Տեսանյութ A+ / A-

«Մշակվում է Ալեքսանդր Սպենդիարյանի անվան օպերայի և բալետի ազգային  ակադեմիական թատրոնի ենթակառուցվածքների նախագիծ՝ սկսած սանհանգույցներից, պատշգամբներից մինչև բեմ: Այսօր մշակվում է ծրագրային, խաղացանկային քաղաքականություն»: Օրերս լրագրողների հետ զրույցում հայտարարել էր մշակույթի նախարար Արմեն Ամիրյանը: Վերջինս նաեւ տեղեկացրել էր, որ օպերայում նախատեսված է կառուցել ռեստորան, շոգեբաղնիք՝ սաունա: Ամիրյանի այս հայտարարությունը հասարակական լուրջ դժգոհության տեղիք տվեց: Նախագծի մասին տեսակետ հայտնեցին նաեւ մտավորականներից շատերը, նշելով, որ դա անթույլատրելի է:

Araratnews.am-ը նախարար Ամիրյանից հետաքրքրվեց, թե  արդյոք չի՞ պատրաստվում հրաժարվել նախագծից, եւ կամ ինչպե՞ս է, ի վերջո, հասարակությանը համոզելու, որ իրականում դա այլ ենթատեքստ չունի: Ի պատասխան Ամիրյանն ասաց. «Ես արդեն հանգամանալից  պատասխանել եմ եւ ապացուցել եմ»: Դիտարկմանը՝  սաունա կառուցելո՞ւ է օպերայում, մշակույթի նախարարը նշեց, որ փաստերը խեղաթյուրում ենք: «Խոսքը վերաբերում է ենթակառուցվածքների նախագծին, որը դեռ պատրաստ չէ: Պատրաստ լինելու դեպքում կհրապարակենք եւ ձեզ էլ կասենք»,- ասաց Ամիրյանը, մեկ անգամ եւս պնդելով, թե խոսքը վերաբերում է ենթակառուցվածքների նախագծին:

Այլ մանրամասներ՝ տեսանյութում:

122488199673267500288781848048447njpg
scroll to top