Գլխավոր Լուրեր ԱՄՆ Կոնգրեսի հանձնաժողովը մեղադրում է արդարադատության նախարարին

ԱՄՆ Կոնգրեսի հանձնաժողովը մեղադրում է արդարադատության նախարարին

4
0

Միացյալ Նահանգների Կոնգրեսի Ներկայացուցիչների տան դատական հարցերով հանձնաժողովը, որում դեմոկրատներն ունեն գերիշխող մեծամասնություն, արդարադատության նախարար Ուիլյամ Բարրին մեղադրել է դատարանի հանդեպ անհարգալից վերաբերմունքի մեջ:

Արձանագրությունը քվեարկությամբ ընդունվել է այն կապակցությամբ, որ Բարրը հրաժարվում է Կոնգրեսին փոխանցել 2016 թվականի ամերիկյան նախագահական ընտրություններին ռուսների միջամտության հարցով հատուկ դատախազ Ռոբերտ Մյուլերի կազմած զեկույցի ամբողջական տարբերակը, գրում է azatutyun.am լրատվական կայքը: Այժմ արձանագրությունը պետք է քվեարկվի Ներկայացուցիչների տան լիագումար նիստում: