Չորեքշաբթի , 20 Հունիս 2018

    outputra5huxgif
    Partly Cloudy
    22°
    Home » Արցախ » Անհրաժեշտ է դիպուկահարներին հեռացնել ԼՂ շփման գծից

    Անհրաժեշտ է դիպուկահարներին հեռացնել ԼՂ շփման գծից

    Օգոստոս 11, 2017 12:15 Արցախ, Լուրեր, Միջազգային A+ / A-

    408298029

    Ներկայումս դժվար է խոսել ԼՂ հակամարտության գոտում լիակատար ապառազմականացման մասին. նման կարծիք է հայտնել ԵԱՀԿ Մինսկի խմբի ամերիկացի համանախագահ Ռիչարդ Հոգլանդը:

    «Երբ երկու զինված կողմեր կանգնած են դեմ առ դեմ բարդ տեղանքում, ռազմական բախումների հավանականությունը միշտ կա: Հետևաբար պետք է առաջին հերթին սահմանամերձ գոտուց և շփման գծից դուրս բերել դիպուկահարներին, ավելացնել դիտորդների թիվը և հատուկ սարքավորումներ տեղադրել»,- այս մասին «Ամերիկայի ձայնին»  ասել է Ռիչարդ Հոգլանդը:

    Նրա խոսքով՝  Լեռնային Ղարաբաղի հակամարտության կարգավորման հարցով միջնորդներն ունեն հակամարտությունը լուծելու շրջանակային փաստաթուղթ, սակայն լիարժեք փոխզիջման հասնելու համար կողմերը պետք է լուրջ աշխատանք կատարեն:

    Հոգլանդը նշել է, որ ԼՂ հակամարտությունն այն ոլորտն է, որում ԱՄՆ-ն և ՌԴ-ն կշարունակեն համագործակցել, անգամ հարաբերությունների բարդ վիճակում:

    scroll to top