Հինգշաբթի , 20 Սեպտեմբեր 2018

    outputra5huxgif
    Sunny
    21°
    Home » Լուրեր » «Անմարդկային ժամանց». Երեւանյան ռեստորանում գայլի ձագ են պահում

    «Անմարդկային ժամանց». Երեւանյան ռեստորանում գայլի ձագ են պահում

    Հոկտեմբեր 11, 2017 23:52 Լուրեր, Հասարակություն A+ / A-

    a16bc01952ab2951315f55f7816ce2be

    Երեւանի «Լա վիստա» ռեստորանում պահվում է գայլի ձագ:  Econews.am-ը  գրում է, որ  գայլին անգամ տանում են զբոսանքի այլ կենդանիների, օրինակ՝ շների հետ:

    Տեղեկությունները ճշտելու նպատակով կայքը դիմել է ՀՀ Բնապահպանության եւ ընդերքի տեսչական մարմին, որտեղից պատասխանել են. «2017 թվականի հոկտեմբերի 10-ին Բնապահպանության եւ ընդերքի տեսչական մարմնի Երեւանի տարածքային բաժնի տեսուչներն այցելել են «Լա վիստա» ռեստորանի տարածք եւ տեղում պարզել, որ ազատավանդակում պահվում է մեկ հատ, մոտ 5 ամսական էգ գայլ, որը տնօրենի հավաստմամբ ստացել է որպես նվեր: Գայլն ունի 2 ազատավանդակ, մեկը վերանորոգվում է (չափսերն են՝ 2,3 × 7,7 = 17,71 քառ.մետր, 2,3 մետր բարձրությամբ), մյուսի չափսերն են` 1,9×1,4= 2,66 քառ.մետր, 2,2 մետր բարձրությամբ)»:

    Հանձնարարվել է գայլին պահել շրջապատի համար անվտանգ պայմաններում, կատարել համապատասխան սանիտարական կանխարգելիչ պատվաստումները եւ գայլի ազատավանդակը համապատասխանեցնել վայրի կենդանիներին անազատ վիճակում պահելու նորմատիվ պահանջներին (1 գայլի համար 20 քառ.մետր մակերեսով եւ 3 մետր բարձրությամբ ազատավանդակ):

    Կենդանուն հաշվառելու համար տվյալները ներկայացնել ՀՀ բնապահպանության նախարարության կենսառեսուրսների կառավարման գործակալություն:

    Նման թեմաներ

    scroll to top