Ուրբաթ , 24 Մայիս 2019

    outputra5huxgif
    °
    Home » Միջազգային » Ապրիլի 24-ին Թբիլիսիում վիրահայերը բողոքի ակցիա կանցկացնեն Թուրքիայի դեսպանության մոտ

    Ապրիլի 24-ին Թբիլիսիում վիրահայերը բողոքի ակցիա կանցկացնեն Թուրքիայի դեսպանության մոտ

    Ապրիլի 24-ին Թբիլիսիում վիրահայերը բողոքի ակցիա կանցկացնեն Թուրքիայի դեսպանության մոտ
    Ապրիլ 20, 2019 20:33 Միջազգային, Քաղաքական A+ / A-

    Ավանդույթի համաձայն` այս տարի ևս Թբիլիսիում ապրիլի 23-ին և քսանչորսին Հայոց ցեղասպանության 104-րդ տարելիցը կուղեկցվի բողոքի երթով ու ակցիայով, հայտնում է «Ալիք Մեդիան»:

    «Վրաստանի Հայ համայնք» հասարակական կազմակերպության նախաձեռնությամբ ապրիլի 23-ի երեկոյան կկայանա ջահերով երթ, որը կմեկնարկի Թբիլիսիի Վակեի այգուց ու կավարտվի Թբիլիսիում Թուրքիայի դեսպանության մոտ:

    Ապրիլի 24-ին` ժամը 11:00-ին, Հավլաբարի սբ. Էջմիածին եկեղեցում կմատուցվի Սուրբ պատարագ Մեծ Եղեռնի բյուրավոր սրբադասված նահատակների հիշատակին:

    Ապրիլի 24-ին` ժամը 14:00-ին կանցկացվի բողոքի ակցիա Թուրքիայի դեսպանության մոտ:

    «Ալիք Մեդիայի» հետ զրույցում կազմակերպության նախագահ Սամվել Մկրտչյանը կոչ է արել հայությանը մասնակցել կազմակերպված միջոցառումներին։

    «Կոչ ենք անում չմնալ չեզոք դիրքում, ակտիվ վերաբերմունք ցուցաբերել, որովհետև անարդարությունը պետք է դատապարտվի, և հատուցում պահանջվի»,- ասել է Սամվել Մկրտչյանը:


    Նման թեմաներ

    scroll to top