Ուրբաթ , 15 Դեկտեմբեր 2017

  •  USD   Առք` 481.00   Վաճառք` 484.50   ՀՀ ԿԲ` 483.55   
  •  EUR   Առք` 567.00   Վաճառք` 575.00   ՀՀ ԿԲ` 568.22   
  •  CHF   Առք` 479.00   Վաճառք` 492.00   ՀՀ ԿԲ` 487.70   
  •  GBP   Առք` 638.00   Վաճառք` 656.00   ՀՀ ԿԲ` 645.35   
  •  RUB   Առք` 8.16   Վաճառք` 8.33   ՀՀ ԿԲ` 8.18   
  •  GEL   Առք` 175.00   Վաճառք` 195.00   ՀՀ ԿԲ` 186.34   
outputra5huxgif
Clear
Home » Լուրեր » «Առավոտ». Նա շիզոֆրենիկ է եղել, մեր աղջիկն ամեն ինչ մեզնից թաքցրել է

«Առավոտ». Նա շիզոֆրենիկ է եղել, մեր աղջիկն ամեն ինչ մեզնից թաքցրել է

Օգոստոս 10, 2017 9:08 Լուրեր, Հասարակություն, Մամուլ A+ / A-

Manuk-SImonyan-768x432

«Արմավիրի մարզպետի խորհրդականի սպանության գործով նախօրեին հարցաքննվել է սպանության մեջ մեղադրվող կնոջ՝ Ռուզաննա Մկրտչյանի հորաքույրը՝ Լիդա Մկրտչյանը: Նա Արմավիրի դպրոցի պատմության նախկին ուսուցչուհի է:

«Քննիչին ամեն ինչ ասված է, ես այլևս չեմ ցանկանում խոսել այդ մասին, որովհետև ամեն անգամ մի հարցի պատասխանելով՝ հոգեկան ծանր տրավմա եմ տանում: Այդ տղան (նկատի ունի սպանված խորհրդականին-խմբ.) նեռն էր, որ երկրի երես էր իջել, նրան սատանան էր ուղարկել այս ժողովրդի համար, ամբողջ ժողովուրդը պրծավ նրանից, ափսոս, որ էս խեղճ, տանջված աղջկան (նկատի ունի խորհրդականի կնոջը- խմբ.) բան եղավ»,- «Առավոտ» օրաթերթի հետ զրույցում պատմեց Լիդա Մկրտչյանը:

Տիկին Մկրտչյանից հետաքրքր­վեցինք՝ ճի՞շտ են տեղեկություն­ները, որ մարզպետի սպանված խորհրդականի՝ Մանուկ Սիմոնյանի հայրն էլ ժամանակին ծեծելով սպանել է մորը, իսկ քեռիները վրեժ են լուծել, ի պատասխան՝ ասաց. «Այդպես են ասում, ես դրա մեջ նույնիսկ ճշմարտություն եմ տեսնում: Ես նրա փոքր եղբո­րը դաս եմ տվել, մայրը գալիս էր ծնողական ժողովի, ես զարմանում էի՝ այնքան խեղճ, կոռեկտ ու խելոք կին էր, որ ես զարմա­նում էի՝ ինչու է այսքան քաշված: Ես կարծում եմ, որ այդ տեղեկու­թյունը ճիշտ է: Երբ նրա մայրը մահացավ, այդպես էին խոսում, որ ծեծելուց է մահացել, բայց դեպքը չհետաքննեցին, անցավ, գնաց: Բայց երբեք ծուխ չի լի­նում, եթե կրակը չկա»: Մանուկ Սիմոնյանի հորաքրոջ որդին՝ Սամվելը, մեզ հետ զրույցում անդրադառնալով Մանուկ Սի­մոնյանի հորը վերագրվող արար­քին՝ ասաց. «Չեմ տիրապետում նման տեղեկատվության, առա­ջին անգամ եմ լսում: Նրա մայ­րը մահացել է հիվանդությունից, չեմ հիշում»:

Լիդա Մկրտչյանի պատմելով՝ Ռազաննա Մկրտչյանը փորձել է ամուսնալուծվել Մանուկ Սիմոնյանից, բայց. «Հետո նա եկել է, խաբել է, համոզել է, տարել է: Ես չեմ կարող ասել՝ ինչից էին ամեն օր վիճում, նա շիզոֆրենիկ է եղել, առանց պատճառի էլ էր վիճում: Մեր աղջիկը ամեն ինչ թաքցրել էր մեզանից՝ ասելով, թե հայրիկի անունը չխայտառակվի, հիմա հայրիկի անունն ավելի չխայտառակվե՞ց»: ­

Հիշեցնենք, որ սպանության մեջ մեղադրվող Ռուզաննա Մկրտչյանի հայրն Արմավիրում հայտնի է, որպես վաստակաշատ բժիշկ, նրա անունով է անվանակոչված Արմավիրի բժշկական կենտրոնը»,-գրում է թերթը:

Նյութն ամբողջությամբ կարդացեք թերթի այսօրվա համարում:

Նման թեմաներ

122488199673267500288781848048447njpg
scroll to top