Երեքշաբթի , 25 Սեպտեմբեր 2018

    outputra5huxgif
    Sunny
    26°
    Home » editorial » Արցախի թեմի առաջնորդը՝ Գեղարդի մասունքի մի կտոր քաղաքապետին նվիրելու մասին

    Արցախի թեմի առաջնորդը՝ Գեղարդի մասունքի մի կտոր քաղաքապետին նվիրելու մասին

    Արցախի թեմի առաջնորդը՝ Գեղարդի մասունքի մի կտոր քաղաքապետին նվիրելու մասին
    Հուլիս 6, 2018 16:21 editorial, Արցախ, Լուրեր A+ / A-

    Araratnews.am-ը գրել էր, որ Ամենայն հայոց կաթողիկոս Գարեգին Բ-ի հրաժարականը պահանջող մի խումբ երիտասարդներ մտել են Մայր Աթոռի դիվանատուն: Նրանք հայտարարել են՝ վաճառվել է Մայր Աթոռում պահվող եզակի մասունքը՝ Սուրբ Գեղարդը, որով հռոմեացի զինվորը խոցել է Փրկչի կողը: Մայր Աթոռի դիվանապետ Արշակ Սրբազանը հայտնել է, որ Սուրբ Գեղարդը չի վաճառվել, այլ մի մասը կտրվել է եւ նվիրվել ռուս քաղաքապետի:

    Հայտարարությունը վրդովվել է Հայ առաքելական եկեղեցու հավատացյալներին, չնայած  Արշակ սրբազանը պարզաբանել է՝ եկեղեցիների միջև գոյություն ունի մասունքների փոխանակման փորձառություն:

    Araratnews.am-ը  Արցախի թեմի առաջնորդ Պարգև արքեպիսկոպոս Մարտիրոսյանից հետաքրքրվեց՝ արդյոք ճի՞շտ է հանրային սեփականության այդքան կարևոր մասունքից ինչ-որ կտոր նվիրել ռուս քաղաքապետի: «Ես տեղյակ չեմ՝ ի՛նչ է եղել, հետեւաբար չեմ կարող մեկնաբանել: Եթե ինքն է ասում, թող ինքը մեկնաբանի»,- ասաց արքեպիսկոպոսը:

    Արցախի թեմի առաջնորդը հիշեցրեց, որ երջանկահիշատակ Գարեգին Ա կաթողիկոսի օրոք  Մոսկվայի և Համայն Ռուսիո Ալեքսի Բ պատրիարքին Սուրբ Անդրեասի մասունքներ են տվել, Հռոմի Պապն էլ Հայաստանյայց եկեղեցուն Գրիգոր Լուսավորչի մասունքներ է տվել: «Եկեղեցիների միջեւ մասունքների տրամադրում լինում է: Դա հին կանոնական ընդունված ձեւ է»,- մանրամասնեց Պարգև սրբազանը:

    Մեր դիտարկմանը, թե մասունքը տվել են քաղաքապետին, Արցախի թեմի առաջնորդն ասաց՝ տեղյակ չէ, ինչ է կատարվել, հետեւաբար չի կարող ոչ մի խոսք ասել:

    Սոնա Դավթյան

    Նման թեմաներ

    scroll to top