Գլխավոր Լուրեր Արգենտինա մեկնող ՀՀ քաղաքացիներն իրավունք կունենան այնտեղ աշխատելու

Արգենտինա մեկնող ՀՀ քաղաքացիներն իրավունք կունենան այնտեղ աշխատելու

2
0

«Հայաստանի Հանրապետության Կառավարության և Արգենտինայի Հանրապետության Կառավարության միջև արձակուրդի և աշխատանքի ծրագրի մասին» համաձայնագրին այսօր ԱԺ արտաքին հարաբերությունների մշտական հանձնաժողովում դրական եզրակացություն ստացավ: Համաձայնագիրն ԱԺ արտաքին հարցերի մշտական հանձնաժողով էր ներկայացրել ՀՀ ԱԳ նախարարի տեղակալ Գրիգոր Հովհաննիսյանը:

Սույն համաձայնագրով ՀՀ այն քաղաքացիները, որոնք կմեկնեն Արգենտինա, իրավունք կունենան աշխատելու առանց վիզային ռեժիմի: Նշենք, որ ՀՀ քաղաքացիների մուտքն Արգենտինա ազատ է եղել, սակայն աշխատելու հնարավորություն մեր քաղաքացիները չեն ունեցել: Սույն համաձայնագրով վերացվում է այդ արգելքը:

Համաձայնագիրն ԱԺ լիագումար նիստ կներկայացվի ապրիլի 16-ին: