Գլխավոր Լուրեր Արմեն Մուրադյանը Սոչիում հանդիպել է՞ Արա Մինասյանին

Արմեն Մուրադյանը Սոչիում հանդիպել է՞ Արա Մինասյանին

6
0

AraratNews.am-ի տեղեկություններով  առողջապահության նախկին նախարար, Երևանի պետական բժշկական համալսարանի ռեկտոր Արմեն Մուրադյանն ապրիլի 25-28-ն ընկած ժամանակահատվածում Սոչիում հանդիպել է «Սուրբ Գրիգոր Լուսավորիչ» բժշկական կենտրոնի նախկին տնօրեն Արա Մինասյանին։ Հանդիպումը տեղի է ունեցել Սոչիում գտնվող «Pullman» հյուրանոցային համալիրում։ Նույն ճամանակահատվածում Արմեն Մուրադյանը մասնակցել է «Տղամարդու առողջություն» թեմայով միջազգային համագումարին։

Հետաքրքիրն է այն, որ Մուրադյանը չի ցանկանում կապը կորցնել թե՛ ներկայիս և թե՛ նախկին իշխանությունների հետ։

Հիշեցնենք, որ Արա Մինասյանն այս պահին գտնվում է հետախուզման մեջ. մեղադրվում է յուրացումներ կատարելու համար:

Հետաքրքիր է, Արմեն Մուրադյանը հայ իրավապահներին հայտնել է հետախուզվող Մինասյանի գտնվելու վայրի մասին տեղեկատվություն, թե ոչ:

AraratNews.am-ի հետ զրույցում, ԵՊԲՀ ռեկտոր Արմեն Մուրադյանի խոսնակ Շուշան Դանիելյանը նշեց, որ ինքը նման տեղեկություն չունի:

«Հերքում եմ, ես նման տեղեկություն չունեմ»,-ասաց Դանիելյանը: Մեր ճշտող հարցին, թե կարող է հերքել  նաև Արմեն Մուրադյանի անունից, Դանիելյանն ասաց, որ կխոսի Արմեն Մուրադյանի հետ և նրա տեսակետը կփոխանցի առաջիկայում: