Հինգշաբթի , 22 Փետրվար 2018

    outputra5huxgif
    Clear
    Home » Լուրեր » Առողջապահության ոլորտում Ճապոնիայի հետ համագործակցությունը կընդլայնվի

    Առողջապահության ոլորտում Ճապոնիայի հետ համագործակցությունը կընդլայնվի

    Մարտ 19, 2017 17:29 Լուրեր A+ / A-

    0111

    ՀՀ առողջապահության նախարար Լևոն Ալթունյանը Հայաստանի Հանրապետությունում Ճապոնիայի արտակարգ և լիազոր դեսպան Էյջի Տագուչիի հետ քննարկել է առողջապահության ոլորտում երկու երկրի համագործակցության ընթացքը և ընդլայնման հնարավորությունները։

    Ինչպես տեղեկացնում են ՀՀ ԱՆ լրատվության և հասարակայնության հետ կապերի վարչությունից, հանդիպման ընթացքում նախարարը երախտագիտությամբ փաստել է, որ Ճապոնական կառավարությունը Հայաստանին նշանակալի օգնություն է ցուցաբերում՝ անհատույց տրամադրելով բժշկական սարքավորումներ, իրականացնելով կրթական և շարունակական մասնագիտական զարգացման ծրագրեր։

    Ճապոնացի մասնագետները հայ գործընկերների հետ կիսվել են աղետների ժամանակ բժշկական օգնության կազմակերպման և, ընդհանրապես, աղետների դեմ պայքարում ունեցած հարուստ փորձով։

    Նախարարն առաջարկել է ընդլայնել առողջապահության ոլորտում կրթական ծրագրերը՝ դրանք կազմակերպելով նաև Հայաստանում։ Լևոն Ալթունյանը կարևորել է նաև բժշկական սարքավորումների մասնագետների վերապատրաստումները, քանի որ Հայաստանի բուժհաստատություններում ճապոնական սարքավորումները զգալի ծավալ են կազմում։

    Նախարար Ալթունյանին հետաքրքրել է առողջապահության ֆինանսավորման և բժշկական ապահովագրության կազմակերպման ճապոնական փորձը։ Ինչը դեսպանը ներկայացրել է ընդհանուր գծերով։

    Երկուստեք կարևորվել է առողջ կենսակերպի ներդրման և այլ ոլորտներում ևս փոխգործակցության եզրեր գտնելը։

    Նման թեմաներ

    scroll to top