Երկուշաբթի , 29 Մայիս 2017

  •  USD   Առք` 479.50   Վաճառք` 483.50   ՀՀ ԿԲ` 481.77   
  •  EUR   Առք` 533.00   Վաճառք` 543.00   ՀՀ ԿԲ` 540.26   
  •  CHF   Առք` 482.00   Վաճառք` 500.00   ՀՀ ԿԲ` 496.36   
  •  GBP   Առք` 608.00   Վաճառք` 626.00   ՀՀ ԿԲ` 619.89   
  •  RUB   Առք` 8.43   Վաճառք` 8.60   ՀՀ ԿԲ` 8.50   
  •  GEL   Առք` 186.00   Վաճառք` 207.00   ՀՀ ԿԲ` 199.51   
outputra5huxgif
Partly Cloudy
23°
Home » Լուրեր » Առուշ Առուշանյանը ջրից չոր դուրս եկավ. քրեական գործի հարուցումը մերժվել է

Առուշ Առուշանյանը ջրից չոր դուրս եկավ. քրեական գործի հարուցումը մերժվել է

Ապրիլ 21, 2017 14:23 Լուրեր, Քաղաքական A+ / A-

gorisss-588x370

Ապրիլի 9-ին Araratnews.am-ը հրապարակել էր «Արտակարգ դեպք Գորիսում. ինչ կապ ունի պատգամավորի թեկնածուն» հոդվածը: Գրել էինք, որ Սյունիքի մարզից ՀՀԿ ռեյտինգային ցուցակով պատգամավորի թեկնածու առաջադրված Առուշ Առուշանյանը թիմակիցների հետ փորձել էր հարձակում գործել Գորիսի բնակիչ Շահում Դավթյանի տան վրա: Տեղեկատվությունը մեզ հետ զրույցում չէր հերքել Դավթյանի կինը՝ Ալինա Ջհանգիրյանը: Վերջինս պատմել էր, որ դեպքը տեղի էր ունեցել ապրիլի 7-ի կեսգիշերին:

Araratnews.am-ի հրապարակման հիման վրա ՀՀ ոստիկանությունում նյութեր նախապատրաստվեցին: Այս մասին մեզ հետ զրույցում հայտնել էին ոստիկանության լրատվական ծառայությունից: Սակայն քրեական գործի հարուցումը կասեցվել է: Այս մասին Araratnews.am-ի հետ զրույցում ասաց ոստիկանության ԶԼՄ-ների կապի բաժնի պետ Էդգար Ջանոյանը: «ՀՀ քրեական դատավարության օրենսգրքի 35-րդ հոդվածի 1-ին մասին 1-ին եւ 2-րդ կետերի հիմքով որոշում է կայացվել քրեական գործի հարուցումը մերժել»,- ասաց Ջանոյանը, հավելելով, որ նյութերն ուղարկվել են ՀՀ գլխավոր դատախազություն՝ օրինականությունը ստուգելու նպատակով:

Սա նշանակում է, որ բողոքի բացակայության պատճառով քրեական գործի հարուցումը մերժվել է:

Նշենք, որ երիտասարդ գորիսեցի Առուշ Առուշանյանը, ով ՀՀԿ ռեյտինգային ցուցակով պատգամավորի թեկնածու էր առաջադրվել, չնայած զգալի ձայներ էր ստացել ծննդավայրում, սակայն պարտվել էր մարզում: Սյունիքի մարզից ՀՀԿ ռեյտինգային ցուցակով պատգամավորի թեկնածուներ են ընտրվել գործող մարզպետ Վահե Հակոբյանը եւ Աշոտ Արսենյանը՝ «Ջերմուկի» Արսենը: Շրջանառվող տեղեկությունների համաձայն՝ Վահե Հակոբյանը կշարունակի ղեկավարել մարզը, ինչը ենթադրում է, որ Առուշանյանը խորհրդարանում հայտնվելու շանսեր դեռ ունի:

Հավելենք, որ Առուշանյանի եւ Սյունիքի նախկին մարզպետ Սուրիկ Խաչատրյանի հարաբերությունները խիստ լարված են, ինչը մի քանի տարվա պատմություն ունի:

Փայլակ Ֆահրադյան

122488199673267500288781848048447njpg
scroll to top