Երկուշաբթի , 21 Օգոստոս 2017

  •  USD   Առք` 476.50   Վաճառք` 480.00   ՀՀ ԿԲ` 478.57   
  •  EUR   Առք` 558.00   Վաճառք` 566.00   ՀՀ ԿԲ` 561.79   
  •  CHF   Առք` 481.00   Վաճառք` 498.00   ՀՀ ԿԲ` 497.63   
  •  GBP   Առք` 605.00   Վաճառք` 623.00   ՀՀ ԿԲ` 616.73   
  •  RUB   Առք` 8.03   Վաճառք` 8.20   ՀՀ ԿԲ` 8.05   
  •  GEL   Առք` 192.00   Վաճառք` 205.00   ՀՀ ԿԲ` 200.24   
outputra5huxgif
Sunny
31°
Home » Բժիշկ » ԱՌՈՂՋՈՒԹՅՈՒՆ. Խումարից ազատվելու լավագույն միջոցները

ԱՌՈՂՋՈՒԹՅՈՒՆ. Խումարից ազատվելու լավագույն միջոցները

Դեկտեմբեր 29, 2016 16:00 Բժիշկ, Լուրեր A+ / A-

party-smart-mainՆոր տարին ոչ միայն ուրախություն է, ցնծություն և հրաշքի սպասում: Դա նաև առավոտյան այնքան սովորական խումար է: Մի՞թե հնարավոր չէ դրանից ոչ մի կերպ ազատվել: Պարզվում է` ոչ միայն հնարավոր է, այլև խիստ անհրաժեշտ: Խումարն օրգանիզմի համար թունավորվելու մասին ազդանշան է, որը կարող է կենսականորեն կարևոր օրգանները երկար ժամանակով շարքից հանել: Araratnews.am-ը սկսում է հրապարակումների շարք այն մասին, թե տոն օրերին խումարաթողի ինչ լավագույն միջոցներ գոյություն ունեն:

Ինչ կարելի է ուտել

Ձեզ թույլ տվեք ավելի շատ կալորիական սնունդ, որը պարունակում է սպիտակուցներ և ճարպեր: Սպիտակուցները սնում են մարմինը, իսկ ճարպը պաշտպանական շերտ կստեղծի ստամոքսում և աղիներում, ուստի ավելի քիչ ալկոհոլ կներծծվի օրգանիզմ: Այսկերպ, դուք հզոր «հաղթաթուղթ» կունենաք խումարի դեմ պայքարում: Լավ կլինի նաև սննդի օրաբաժինը լրացնել C և B խմբի վիտամիններով, որոնք օգնում են օրգանիզմին հաղթահարելու ալկոհոլային «հարձակումը»: Խումարի դեմ բոլոր միջոցները պարունակում են C վիտամին: Սակայն խնդիրն այն է, որ խնջույքից հետո սա արդեն այնքան արդիական չէ: Պարզապես` ուշացած օգնություն: Ահա թե ինչու վիտամինները պետք է ընդունել տոնին ընդառաջ կամ գոնե բուն տոնի ընթացքում: Այդժամ օրգանիզմը կստանա իրական աջակցություն, և ձեզ խումարը չի սպառնա: Ալկոհոլը օրգանիզմից ողողելով հանում է հանքային նյութերը, հատկապես կալիումը, ուստի ավելի լավ է սեղանի շուրջը խմել տոմատի հյութ, որը պարունակում է շատ կալիում: Այս տարրի ավելցուկը նույնպես օգնում է հետագայում հաղթահարելու խումարը: Չէ՞ որ հենց կալիումն է օրգանիզմում անբավարար լինում, ինչը առավոտյան խորացնում է վիճակը:

Ավելի շատ շարժվեք

Միջոցառման ընթացքում անշարժ մի նստեք բազմոցին: Ինչպես և ակտիվ մարդկանց մեծ մասը, պարեք, շարժվեք, ծիծաղեք: Սա խումարից խուսափելու իդեալական տարբերակն է: Նյութափոխանակության արագությունն ավելանում է, ինչն արագացնում է օրգանիզմից ալկոհոլի դուրսբերումը: Ոգելից խմիչքներ ընդունելիս մի կերեք քաղցր կարկանդակներ և յուղոտ չիպսեր, այլ աղցաններ, միս և պանիր: Ալկոհոլն առանց այն էլ ունի բարձր կալորիականություն. ավելի լավ է խուսափել ավելորդ կալորիաներից: Սակայն եթե սեղանին ընկուզեղենից ու չիպսերից բացի ոչինչ չկա, ավելի լավ է ուտեք դրանք չափավոր քանակությամբ: Ոգելից խմիչքներ ընդունելու արանքում փորձեք խմել կիտրոնի կամ նարնջի հյութով ջուր:

Նման թեմաներ

122488199673267500288781848048447njpg
scroll to top