Շաբաթ , 20 Հունվար 2018

    outputra5huxgif
    Mostly Cloudy
    Home » Բժիշկ » ԱՌՈՂՋՈՒԹՅՈՒՆ. Գինով եմ, գինով եմ ես էլ…

    ԱՌՈՂՋՈՒԹՅՈՒՆ. Գինով եմ, գինով եմ ես էլ…

    Դեկտեմբեր 30, 2017 10:00 Բժիշկ, Լուրեր A+ / A-

    holiday-dinner-stock-680uw

    Նոր տարին ոչ միայն ուրախություն է, ցնծություն և հրաշքի սպասում: Դա նաև առավոտյան այնքան սովորական խումար է: Մի՞թե հնարավոր չէ դրանից ոչ մի կերպ ազատվել: Պարզվում է` ոչ միայն հնարավոր է, այլև խիստ անհրաժեշտ: Խումարն օրգանիզմի համար թունավորվելու մասին ազդանշան է, որը կարող է կենսականորեն կարևոր օրգանները երկար ժամանակով շարքից հանել: Araratnews.am-ը սկսում է հրապարակումների շարք այն մասին, թե տոն օրերին խումարաթողի ինչ լավագույն միջոցներ գոյություն ունեն:

    Եթե նստած եք խնջույքի սեղանի շուրջը, սա դեռ չի նշանակում, թե առավոտյան կարթնանաք սարսափելի խումարի վիճակով: Սակայն հարկ է իմանալ այս տհաճ վիճակի կանխարգելման որոշակի կանոնները: Եթե նույնիսկ դուք սովորաբար ոգելից խմիչքի չափը չեք անցնում, ավելի լավ է հետևել յուրահատուկ ռեժիմի և վարքագծի կանոնների խնջույքի սեղանի շուրջ:

    Գոյություն ունեն մի շարք միջոցներ տոնից հետո առավոտյան ահավոր գլխացավից, մկանային թուլությունից և ընդհանուր տկարությունից ազատվելու համար: Միայն հետևելով այդ փորձված միջոցներին` առավոտյան կարթնանաք առույգ և սթափ:

    Նախ` դեռ նախքան տոնի սկիզբը «նախապատրաստեք» ձեր օրգանիզմը: Միջոցառումից առաջ ամբողջ օրը շատ ջուր խմեք: Կարելի է նաև` հանքային, սակայն առանց գազի: Մինչև հիմնական խնջույքը օրվա ընթացքում պետք է խմել 2 լիտրից ոչ պակաս հեղուկ: Ոգելից խմիչք ընդունելուց հետո նույնը արեք: Հանքային ջուրը ձեզ կմատակարարի արժեքավոր սննդանյութեր, որոնք կօգնեն դուրս բերելու օրգանիզմից սպիրտը, մաքրելու արյունը և արագ իրեն կարգի բերելու: Ջրազրկումից խուսափելու համար` դեռ նախքան խնջույքը սահմանափակեք այնպիսի մթերքների օգտագործումը, որոնք ունեն միզամուղ ազդեցություն: Դրանք են` սուրճը, թեյը, ձմերուկը, սեխը, վարունգը, սոխը, եղերդակը (цикорий) և ելակը:

    Նման թեմաներ

    scroll to top