Երեքշաբթի , 23 Հոկտեմբեր 2018

    outputra5huxgif
    Partly Cloudy
    11°
    Home » Լուրեր » Բա ձեր մեջ որտեղի՞ց էդքան պոլիտբյուրո

    Բա ձեր մեջ որտեղի՞ց էդքան պոլիտբյուրո

    Նոյեմբեր 14, 2017 11:14 Լուրեր, Քաղաքական A+ / A-

    karen-karapetyan-aj-634x445-534x375

    ԱԺ-ում «Ծառուկյան» խմբակցության պատգամավորները վարման կարգով ելույթում պահանջում են  ԱԺ նիստերի օրակարգում քննարկել նաև մանր և միջին բիզնեսով զբաղվող ձեռներեցների հարկման հարցը, որը ՊԵԿ-ը բարձրացնում է, պատճառաբանելով, թե այսպիսով նպատակ ունի վերացնել ստվերը։

    «Ծառուկյան» խմբակցության պատգամավոր Տիգրան Ուրիխանյանը նշեց,  որ խոսելու է բացարձակապես օրակարգի շուրջ: «Առաջարկում եմ օրակարգում ներառել մեկ հարց, որը պետք է ձևավորվի երկրի քաղաքացիների կողմից: Ներեցեք, որ թույլ եմ տալու առօրեական բառապաշար, բայց պետք է մեջբերեմ վարչապետին. «Մենք ամենալիբերալ ազգն ենք, արա, բա ձեր մեջ որտեղի՞ց էդքան պոլիտբյուրո»,- ասաց նա:

    Շարմազանովն էլ իր հերթին կատակեց. «Ամենալիբերալ ազգի ԱԺ օրակարգը որոշում է ԱԺ խորհուրդը, որն արդեն որոշել է»:

    ԱԺ ՀՀԿ խմբակցության պատգամավոր Մարգարիտ Եսայանը  ևս վարման կարգով ելույթ ունեցավ եւ ասաց, որ լսել է տարբեր տոնավաճառների աշխատակիցների դժգոհությունները: Ըստ Եսայանի՝ ինքն էլ առաջարկել է գրավոր ներկայացնել պահանջները, որպեսզի իրենց խմբակցությունը հնարավորություն ունենա խնդրի ելքեր գտնել: Այդ նույն ժամանակ խորհրդարանում քննարկվում էր բյուջեն, որտեղ եղել է նաև ՊԵԿ-ի նախագահ  Վարդան Հարությունյանը, ում ՀՀԿ-ական պատգամավորը ներկայացրել է առևտրականների պահանջը: Վերջինս էլ լրագրողների հետ զրույցում պատասխանել է բոլոր հարցերին, որոնք հնչեցրել են տնտեսավարող սուբյեկտները:

    «Քննարկել անհրաժեշտ է, բայց ուռճացված, շոու դարձրած խնդիրն անլուրջ կլինի քննարկել»,- հայտարարեց նա: Շարմազանովն էլ նկատեց, թե քանի որ հարցը հռետորական է, ապա նրան չեն արձագանքի:

    Փայլակ Ֆահրադյան

    scroll to top