Կիրակի , 18 Նոյեմբեր 2018

    outputra5huxgif
    Partly Cloudy
    Home » Լուրեր » Բերձորում տեղի ունեցած միջադեպի հետ արցախցին որևէ կապ չունի. Ժիրայր Սեֆիլյան

    Բերձորում տեղի ունեցած միջադեպի հետ արցախցին որևէ կապ չունի. Ժիրայր Սեֆիլյան

    Փետրվար 11, 2015 12:46 Լուրեր, Քաղաքական A+ / A-

    JIRAYR-SEFILYAN

    Երևան Տոնավաճառ

    Բերձորում հունվարի 31-ին տեղի ունեցած միջադեպի հետ, ըստ Ժիրայր Սեֆիլյանի արցախցին որևէ կապ չունի:  Այս մասին այսօր լրագրողների հետ հանդիպման ժամանակ ասաց «100-ամյակը առանց ռեժիմի» շարժման առաջնորդ, Հիմնադիր խորհրդարանի քարտուղարության համակարգող, Շուշիի առանձնակի գումարտակի հրամանատար Ժիրայր Սեֆիլյանը:

    Բանախոսը պատմել է, որ իրենք դեռևս դեկտեմբերին էին իրենք պատրաստվում մեկնել Արցախ: Սակայն այդ ժամանակ տեղի ոստիկանապետի օգնությամբ Սեֆիլյանը հանդիպել է ԼՂՀ նախագահ Բակո Սահակյանին եւ առանձնացված զրույց ունեցել:

    «Բակո Սահակյանը հանդիպման ժամանակ հայտարարեց, որ իրենք երազում էին մտնել ԵՏՄ-ի մեջ: Իհարկե, մեզ համար ցավալի էր դա լսել: Այնուհետեւ, մենք ընդլայնված հանդիպում ունեցանք, որից հետո մենք համոզվեցինք, որ գործ ունենք մարդկանց հետ, որոնք ադեկվատ չեն իրենց գործում: Այս հանդիպման ընթացքում նրանք խնդրում էին մեզ հետ կանգնել ավտոերթի գաղափարից»,- ասաց Սեֆիլյանը:

    «Պահը եկել է քաղաքացիական բանակը համալրելուն, հորդորում եմ այն երիտասարդներին, որոնք տոգորված են այս կարգախոսներով եւ սկզբունքներով` «Մենք ենք տերը մեր երկրի», «Չենք արտագաղթելու«, «Չենք հանդուրժելու այս կեղեքող համակարգը», այսօրվանից գտնել մեզ եւ ցուցակագարվել ինձ մոտ` որպես քաղաքացիական բանակի շարքային զինվոր: Արցախյան պատերազմի իսկական մասնակիցներին էլ եմ հորդորում միանալ մեզ»,- ասուլիսի ժամանակ հայտարարել է Սեֆիլյանը:

    Հիշեցնենք, որ հունվարի 31-ին «Հիմնադիր խորհրդարանը» հայտարարություն էր տարածել, որ Բերձոր չհասած ոստիկանական մեքենաներով անհայտ անձինք հարձակվել են իրենց ավտոերթի մասնակիցների վրա, ծեծի են ենթարկել նրանց, կոտրել բոլոր մեքենաները եւ դրոշները: «Հիմնադիր խորհրդարանի» ներկայացուցիչ Ժիրայր Սեֆիլյանը եւ երթի բազմաթիվ մասնակիցներ ստացել են մարմնական վնասվածքներ:


    Նման թեմաներ

    scroll to top