// //

Երեքշաբթի , 26 Մարտ 2019

    outputra5huxgif
    °
    Home » Լուրեր » Չեմպիոնների լիգա. Քառորդ եզրափակիչի զույգերը

    Չեմպիոնների լիգա. Քառորդ եզրափակիչի զույգերը

    Չեմպիոնների լիգա. Քառորդ եզրափակիչի զույգերը
    Մարտ 15, 2019 19:10 Լուրեր, Սպորտ A+ / A-

    Շվեյցարական Նիոնում մարտի 15-ին անցկացվեց ֆուտբոլի եվրոպական Չեմպիոնների լիգայի քառորդ եզրափակիչի եւ կիսաեզրափակիչի վիճակահանությունը: Այս փուլում բոլոր թիմերը կարող էին հանդիպել իրար:

    Կատալոնական «Բարսելոնան» կխաղա անգլիական «Մանչեսթեր Յունայթեդի» հետ, իսկ Թուրինի «Յուվենտուսին» բաժին հասավ Ամստերդամի «Այաքսը», որը 1/8 եզրափակիչում պայքարից դուրս էր թողել Չեմպիոնների լիգայի նախորդ 3 մրցաշարերի հաղթող Մադրիդի «Ռեալին»:

    «Տոտենհեմը» եւ «Մանչեսթեր Սիթին» կհանդիպեն անգլիական դիմակայությունում, իսկ «Լիվերպուլը» կմրցի պորտուգալական «Պորտուի» հետ:

    «Բարսելոնա» – «Մանչեսթեր Յունայթեդ» զույգի հաղթողը կիսաեզրափակիչում կխաղա «Լիվերպուլ» – «Պորտու» դիմակայության հաղթողի հետ:

    Չեմպիոնների լիգայի քառորդ եզրափակիչի առաջին խաղերը տեղի կունենան ապրիլի 9-ին եւ 10-ին, իսկ պատասխան հանդիպումները՝ ապրիլի 16-ին եւ 17-ին:

    Չեմպիոնների լիգայի եզրափակիչը կկայանա հունիսի 1-ին Մադրիդի «Աթլետիկոյի» տնային ստադիոն «Վանդա Մետրոպոլիտանոյում»:

    Չեմպիոնների լիգա, քառորդ եզրափակիչ

    «Այաքս» (Հոլանդիա) – «Յուվենտուս» (Իտալիա)

    «Լիվերպուլ» (Անգլիա) – «Պորտու» (Պորտուգալիա)

    «Տոտենհեմ» (Անգլիա) – «Մանչեսթեր Սիթի» (Անգլիա)

    «Բարսելոնա» (Իսպանիա) – «Մանչեսթեր Յունայթեդ» (Անգլիա)

    Առաջինը նշված թիմերն առաջին խաղերը կանցկացնեն տանը

    Կիսաեզրափակիչ

    «Տոտենհեմ» / «Մանչեսթեր Սիթի» – «Այաքս» / «Յուվենտուս»

    «Բարսելոնա» / «Մանչեսթեր Յունայթեդ» – «Լիվերպուլ» / «Պորտու»


    Նման թեմաներ

    scroll to top
    //