Ուրբաթ , 18 Օգոստոս 2017

  •  USD   Առք` 476.50   Վաճառք` 480.00   ՀՀ ԿԲ` 478.57   
  •  EUR   Առք` 553.00   Վաճառք` 567.00   ՀՀ ԿԲ` 561.79   
  •  CHF   Առք` 484.00   Վաճառք` 501.00   ՀՀ ԿԲ` 497.63   
  •  GBP   Առք` 604.00   Վաճառք` 623.00   ՀՀ ԿԲ` 616.73   
  •  RUB   Առք` 7.95   Վաճառք` 8.17   ՀՀ ԿԲ` 8.05   
  •  GEL   Առք` 192.00   Վաճառք` 205.00   ՀՀ ԿԲ` 200.24   
outputra5huxgif
Partly Cloudy
24°
Home » Լուրեր » Չնայած ձմռան եղանակային անբարենպաստ պայմաններին՝ օդանավակայանում աշխատանքներն անխափան են իրականացվել

Չնայած ձմռան եղանակային անբարենպաստ պայմաններին՝ օդանավակայանում աշխատանքներն անխափան են իրականացվել

Մարտ 20, 2017 15:39 Լուրեր, Հասարակություն A+ / A-

76868_b

Թեև 2016 թվականի ձմռանը, նախորդ տարիների համեմատ, 3 անգամ ավելի առատ ձյուն է տեղացել, սակայն, օդանավակայանի աշխատակիցների, վարորդների և տեխնիկների արհեստավարժության և կիրառված սարքավորումների շնորհիվ, օպերատիվ կերպով ձնամաքրվել է վազքուղին, իրականացվել են ինքնաթիռների հակասառեցման աշխատանքներ և ապահովվել է թռիչքների անվտանգությունը:

Ինչպես տեղեկացնում են Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությունից, վարչության պետ Սերգեյ Ավետիսյանը և «Արմենիա միջազգային օդանավակայաններ» ՓԲ ընկերության գլխավոր մենեջեր Մարսելո Վենդեն, բարձր գնահատելով օդանավակայանի աշխատակիցների աշխատանքը, այսօր շնորհակալագրեր են հանձնել վերջիններիս:

ՔԱԳՎ պետ Սերգեյ Ավետիսյանը, կարևորելով յուրաքանչյուրի աշխատանքը, շնորհակալություն է հայտնել աշխատակիցներին նման ծանր եղանակային պայմաններում անվտանգ թռիչքներ ապահովելու և աշխատանքներն անխափան իրականացնելու համար:

«Արմենիա միջազգային օդանավակայաններ» ՓԲ ընկերության գլխավոր մենեջեր Մարսելո Վենդեն ևս իր գոհունակությունն է հայտնել աշխատակիցներին՝ նշելով, որ անգամ Ամանորի տոներին նրանք բարձր մակարդակով շարունակում էին կատարել իրենց աշխատանքը՝ անտեսելով եղանակային ոչ բարենպաստ պայմանները:

Շեշտվել է նաև, որ մեծ ուշադրություն է դարձվում աշխատողների վերապատրատումներին, նորագույն տեխնիկայով ապահովվելուն:

Աշխատակիցները ևս իրենց շնորհակալությունն են հայտնել «Արմենիա միջազգային օդանավակայաններ» ՓԲԸ-ի մեծ թիմի անդամ լինելու համար:

Նշենք նաև, որ վազքուղու ձնամաքրման աշխատանքներն իրականացնելու համար 24 ժամ ներգավված է եղել 30 վարորդ և տեխնիկ, օգտագործվել են Scania-Vammas, Iveco տեսակի հակասառեցման և Skiddometr տեսակի շփման գործակցի չափման սարքավորումներ, 56 աշխատակից մատուցել է ինքնաթիռների հակասառեցման ծառայություններ, օգտագործվել է II, Kilfrost ABC-K plus տեսակի 190 000 լիտր հակասառեցնող, ինչը 3 անգամ գերազանցել է միջին քանակը:

Ձմռան ընթացքում օգտագործվել են նաև 45 320 կգ KA-HOT տեսակի հեղուկ և 51 000 կգ ANS տեսակի պինդ հակասառեցման նյութեր:

«Զվարթնոց» միջազգային օդանավակայանում ձմեռային ժամանակահատվածի համար կատարված ներդրումների ընդհանուր գումարը կազմել է 5 մլն. ԱՄՆ դոլար:

Հավելենք նաև, որ 2016 թվականի ձմռանը «Զվարթնոց» միջազգային օդանավակայանում չեղարկվել է 5 չվերթ, և շուրջ 70-ը՝ գրանցել է ուշացում, որը, բացառապես, պայմանավորված է եղել մառախուղով և ցածր տեսանելիությամբ:

 

Նման թեմաներ

122488199673267500288781848048447njpg
scroll to top