Չորեքշաբթի , 24 Հուլիս 2019

    outputra5huxgif
    °
    Մամուլ
    Home » Իրավական » Դատավորներն ընդհանուր ժողով են անում. օրակարգում ԲԴԽ դատավոր անդամների ընտրությունն է

    Դատավորներն ընդհանուր ժողով են անում. օրակարգում ԲԴԽ դատավոր անդամների ընտրությունն է

    Դատավորներն ընդհանուր ժողով են անում. օրակարգում ԲԴԽ դատավոր անդամների ընտրությունն է
    Հուլիս 11, 2019 12:28 Իրավական, Լուրեր A+ / A-

    Երեւանի ընդհանուր իրավասության դատարանի Աջափնյակի նստավայրում այսօր՝ հուլիսի 11-ին նախատեսված է դատավորների հերթական ընդհանուր ժողովը։ Նշենք, որ Հայաստանում ներկայումս կա գործող 234 դատավոր։

    Ընդհանուր ժողովն իրավազոր է, եթե դրան մասնակցում է դատավորների ընդհանուր թվի կեսից ավելին:

    Օրակարգում է Բարձրագույն դատական խորհրդի դատավոր անդամների թափուր տեղերի ընտրության հարցը։ Նշենք, որ ԲԴԽ դատավոր անդամների թափուր տեղերի ընտրությունը կայանալու է առաջին ատյանի դատարանի 11 դատավորների՝ այդ թվում, Դավիթ Բալայանի, Անահիտ Թումանյանի, Վահե Խալաթյանի, Գագիկ Հովհաննիսյանի, Վարդուհի Հովնանյանի, Սիմիզար Հովսեփյանի, Արգիշտի Ղազարյանի, Մեսրոպ Մակյանի, Սուրեն Մնոյանի, Ռուբեն Վարդազարյանի և Ելենա Քոչարյանի միջև։ Ավելի վաղ առաջին ատյանի դատարանների 66 դատավորներ դիմումներ էին ներկայացրել՝ իրենց անունները քվեաթերթիկում չներառելու մասին:

    Ժողովն ամենայն հավանականությամբ կքննարկի նաև Սահմանադրական դատարանի դատավոր Վահե Գրիգորյանի՝ Սահմանադրական դատարանում ճգնաժամի հետ կապված նամակը՝ ուղղված դատավորների ընդհանուր ժողովին։


    Նման թեմաներ

    scroll to top