Չորեքշաբթի , 22 Նոյեմբեր 2017

  •  USD   Առք` 482.00   Վաճառք` 486.00   ՀՀ ԿԲ` 484.78   
  •  EUR   Առք` 564.00   Վաճառք` 572.00   ՀՀ ԿԲ` 571.80   
  •  CHF   Առք` 477.00   Վաճառք` 490.00   ՀՀ ԿԲ` 490.22   
  •  GBP   Առք` 629.00   Վաճառք` 647.00   ՀՀ ԿԲ` 643.45   
  •  RUB   Առք` 8.08   Վաճառք` 8.25   ՀՀ ԿԲ` 8.19   
  •  GEL   Առք` 169.00   Վաճառք` 189.00   ՀՀ ԿԲ` 180.72   
outputra5huxgif
Rain
Home » Լուրեր » Դե վսյո, գյուղապետերից ստացեք

Դե վսյո, գյուղապետերից ստացեք

Սեպտեմբեր 14, 2017 11:51 Լուրեր, Հասարակություն A+ / A-

Karen-Karapetyan-8

ՀՀ Կառավարության այսօրվա նիստում վարչապետ Կարեն Կարապետյանն անդրադարձավ գյուղատնտեսության ոլորտում պետական աջակցության տարբեր ծրագրերով գյուղացիներին՝ 2012 թվականից հատկացված պարարտանյութերի եւ սերմերի դիմաց կատարված պարտքերի հավաքագրման խնդրին:

«Սույն թվականի մայիս ամսին կառավարության կողմից տրվել էր համապատասխան  հանձնարարական, պարո՛ն Առաքելյան, խնդրում եմ ներկայացնեք իրավիճակը, ո՛ւր ենք հասել»,- դիմելով գյուղատնտեսության նախարար Իգնատի Առաքելյանին ասաց վարչապետը:

Գյուղատնտեսության նախարարը նշեց, թե համաձայն հանձնարարականի` իրենք դիմել են ե՛ւ տարածքային կառավարման նախարարություն, ե՛ւ մարզպետարաններ, որպեսզի պարտքերի ցուցակները ներկայացնեն ըստ հասցեատերերի: «Քանի  դեռ չկա ցուցակները հասցեական` ըստ գյուղացիների ստացված սերմի եւ պարտքի, մենք չենք կարողանում  ամփոփել: Շարունակում ենք աշխատել, մարզպետարանները տրամադրում են, թերի են լինում, վերադառնում ենք, նորից ենք ստուգում»,- ասաց գյուղնախարարը:

Կարապետյանը նշեց, թե խոսքը  2012-2016 թթ. ընթացքում գոյացած պարտքի մասին է: Առաքելյանն էլ հավելեց, թե ինչ սերմ եւ պարարտանյութ հատկացվել է այս տարի` պարտք չկա, քանի որ գումարները հավաքված են: «Այս տարի սուբսիդավորման սերմ, պարարտանյութ, դիզվառելիք, դրանց մեխանիզմների տրամադրման ժամանակ ֆինանսական կարգապահությունը 100 տոկոսով է եղել:

Մենք որոշել ենք, որ այն պարտքերը, որ կուտակվել են գյուղացիների մոտ, զիջել համապատասխան փաստաթղթերի առկայության դեպքում և մաքուր էջից սկսել, քանի որ պրակտիկան թույլ է տալիս առանց պարտքերի կարգավորել այդ խնդիրը»,- հայտարարեց Կարեն Կարապետյանը` հորդորելով  մարզպետներին մեկ ամսում կազմել պարտապանների վերջնական անվանական ցուցակները ու ներկայացնել, նախարարությունն էլ մեկ ամսում կամփոփի:

Գյուղատնտեսության նախարարին հանձնարարական եղավ պարտքի ցուցակը ստանալուն պես համապատասխան առաջարկություն ներկայացնել պարտքերը զիջելու մեխանիզմների կիրառմամբ:

«Այսուհետ շատ կոշտ կարգադրությամբ գնում ենք, բոլոր միջնորդ կազմակերպություններին հանում ենք, աշխատում ենք ուղիղ հասցեատիրոջ հետ, մի անգամ պայմանավորվում ենք խաղի կանոնների մասին ու գնում ենք առաջ»:

Տարածքային կառավարման նախարար Դավիթ Լոքյանին Կարեն Կարապետյանը հանձնարարեց առավելագույնս ուշադիր լինել այդ ցուցակների նկատմամբ, քանի որ նախկինում դեպքեր են եղել, որ «ֆիկտիվ հասցեատերեր են եղել»: Դավիթ Լոքյանն էլ ասաց, որ ուղղակի կան գյուղապետներ, ովքեր չեն բաշխել գյուղատնտեսական այդ սերմերը, պարարտանյութերը և այլն, և նրանցից ոմանք, օրինակ` ՀՀ-ում չեն, և խնդիրը հենց սա է: «12 տոկոսով է պակաս ամբողջ գումարից, 12 տոկոսը այն գյուղապետներն են, ովքեր ստացել են, չեն բաշխել, կամ այլ խնդիր է եղել»: Վարչապետը հարցրեց. «Այսինքն՝ 12 տոկոսը հասցե չունի՞»: Նախարարը դրական պատասխանեց, ապա վարչապետը հետաքրքրվեց՝ գյուղապետների մեծ մասը կա՞ն: Կան` արձագանքեց նախարարը:

«Դե վսյո, գյուղապետների՛ց ստացեք, գյուղացուց մի՛ ստացեք, գյուղապետների՛ց ստացեք, եթե հասցեատիրոջը չի հասել, ինչո՞ւմն է խնդիրը, նայեք, որպեսզի նկարչություն չլինի»,-հորդորեց Կարեն Կարապետյանը:

Փայլակ Ֆահրադյան

122488199673267500288781848048447njpg
scroll to top