Գլխավոր Լուրեր Դուք կարո՞ղ ա փողոցում եք գտնվում․ էս ի՞նչ խոսելաձև ա․ վեճ ԱԺ-ում

Դուք կարո՞ղ ա փողոցում եք գտնվում․ էս ի՞նչ խոսելաձև ա․ վեճ ԱԺ-ում

10
0

«Իմ քայլը» և «Լուսավոր Հայաստան» խմբակցությունների պատգամավորներ Անդրանիկ Քոչարյանը, Քրիստինա Պողոսյանն ու Գևորգ Գորգիսյանն ԱԺ պաշտպանության և անվտանգության հարցերի մշտական հանձնաժողովի նիստում վիճեցին:

Քրիստինա Պողոսյանը Գորգիսյանին մեղադրեց 2016 թ․ ապրիլը շահարկելու մեջ՝ նրան պոպուլիստ որակելով։

«Ձեր հետ դաշինքը ՔՊ-ի ամենամութ մասն է»,- ասաց Պողոսյանը։

Գորգիսյանը Պողոսյանին խորհուրդ տվեց անցյալը չվիճարկել։

Հանձնաժողովի նախագահ Անդրանիկ Քոչարյանն էլ փորձեց հանդարտեցնել պատգամավորներին:

Գորգիսյանն էլ իր հերթին Անդրանիկ Քոչարյանին մեղադրեց կանոնակարգին չհետևելու համար: «Ես ընդունեցի իմ մեղքը: Պարզապես վարողի իմ իրավունքով կասեմ, որ փորձեցիք այս քննարկումն անվտանգության տիրույթից տեղափոխել բառիս բուն իմաստով պոպուլիզմի տիրույթ։ Հիմա ես քվեարկության կդնեմ, և կորոշենք պոպուլիզմի աստիճանը որտեղ է գտնվում»,- ասաց Անդրանիկ Քոչարյանը։

Քոչարյանը խնդրեց այսուհետ մյուս հարցերի քննարկման ժամանակ շարժվել պետականության և անվտանգության շահերով։

«Իսկ ե՞րբ չենք շարժվում»,- արձագանքեց Գորգիսյանը։

«Այ հենց հիմա չենք շարժվում»,- հակադարձեց Քոչարյանը։

«Քֆուր կանեմ նրան, ով կկասկածի»,- բորբոքվեց Գորգիսյանը։

Այստեղ նորից միջամտեց Սասուն Միքայելյանը՝ փորձելով սաստել Գորգիսյանին, ապա բորբոքվեց նաև Քրիստինե Պողոսյանը։

«Ի՞նչ ա նշանակում՝ քֆուր կանեմ: Ես պահանջում եմ պարոն Գորգիսյանին հեռացնել»,- բարկացած հայտարարեց «Իմ քայլի» պատգամավորը։

«Դուք փոքր եք, որ ինձ հեռացնեք»,- ասաց Գորգիսյանը։

«Դուք կարո՞ղ ա փողոցում եք գտնվում կամ «Լուսավոր Հայաստանի» գրասենյակում, էս ի՞նչ խոսելաձև ա»,- արձագանքեց Պողոսյանը։