Շաբաթ , 23 Հունիս 2018

    outputra5huxgif
    Clear
    17°
    Home » Լուրեր » Էդգար Ստեփանյանը պատրաստվում է Եվրոպայի առաջնությանը

    Էդգար Ստեփանյանը պատրաստվում է Եվրոպայի առաջնությանը

    Հոկտեմբեր 9, 2017 17:30 Լուրեր, Միջազգային, Սպորտ A+ / A-

    sport-hecaniv-9.10.-472x265

    Հայաստանի առաջատար հեծանվորդ Էդգար Ստեփանյանն առաջին անգամ կմասնակցի հեծանվահրապարակի Եվրոպայի մեծահասակների առաջնությանը:

    Ինչպես տեղեկացնում է Հայաստանի ազգային օլիմպիական կոմիտեի պաշտոնական կայքէջը, նա այժմ մարզումներ է անցկացնում Օլիմպավանում:

    Էդգար Ստեփանյանի անձնական մարզիչ Արմեն Գյոզալյանն այդ կապակցությամբ ասել է, որ իր սանն իսկական մարտիկի բնավորություն ունի եւ պատրաստ է պայքարել մինչեւ վերջ.

    «Շատ ուժեղ առաջնություն է, որին մասնակցում են օլիմպիական խաղերի, աշխարհի առաջնության չեմպիոններ ու մրցանակակիրներ: Շատ եմ ցանկանում, որ Էդգարի նորամուտը մեծահասակների առաջնություն հաջող լինի: Նա լավ է տրամադրված, սիրում է պայքարել: Մինչեւ առաջնության մեկնարկը Էդգարը լավ մարզավիճակում կլինի», – նշել է մասնագետը:

    Եվրոպայի առաջնությունում Էդգար Ստեփանյանը նախնական հայտավորված է չորս մրցաձեւում՝ սկրեչ, օմնիում, 4 կմ հետապնդումով եւ խմբակային մրցավազք:

    Հեծանվահրապարակի Եվրոպայի մեծահասակների առաջնությունը տեղի կունենա Բեռլինում, հոկտեմբերի 18-22-ը: Էդգար Ստեփանյանը մրցավայր կմեկնի հոկտեմբերի 15-ին:

    Նման թեմաներ

    scroll to top