Երեքշաբթի , 11 Դեկտեմբեր 2018

    outputra5huxgif
    Partly Cloudy
    Home » Լուրեր » Էրդողանը Թուրքիան վերածում է մռայլ բանտի. Washington Post

    Էրդողանը Թուրքիան վերածում է մռայլ բանտի. Washington Post

    Էրդողանը Թուրքիան վերածում է մռայլ բանտի. Washington Post
    Մարտ 13, 2018 15:00 Լուրեր, Միջազգային A+ / A-

    Ամերիկյան «Washington Post» թերթը գլխավոր նյութով անդրադարձել է Թուրքիային և Էրդողանի ռեժիմին։ Թերթը հիշեցնում է, որ 23 թուրք լրագրողներ «Twitter»-ում կատարած հրապարակումների պատճառով մեղադրվել են ահաբեկչական խմբավորման անդամներ լինելու մեջ և դատապարտվել 2-7 տարվա ազատազրկման։

    Երևան Տոնավաճառ

    «Թուրքիայի նախագահ Ռեջեփ Թայիփ Էրդողանի իշխանության ներքո մեկ tweet-ը վերածվում է հանցանքի, իսկ խնդրահարույց ժողովրդավարությունը՝ բռնապետության։ Երկիրը, որ դանդաղ, բայց հաստատակամորեն դառնում էր լուսավորյալ չափավորության օրինակ, Էրդողանի կողմից վերածվում է համատարած մռայլ բանտի», -գրում է թերթը։

    Աղբյուրը հիշեցնում է, որ 2016թ․ հուլիսի 15-ի հեղաշրջման փորձից հետո Էրդողանն իսկական ճնշումների արշավ սկսեց մամուլում, կառավարությունում, ակադեմիական աշխարհում և անվտանգության ոլորտում թշնամիներ ընկալվող անձանց դեմ։ Դրա հետևանքով 60․000 մարդ ազատազրկվեց, ևս 150․000-ը զրկվեց աշխատանքից։

    Թերթը նկատում է, որ Էրդողանի գլխավոր նպատակն ԱՄՆ-ում բնակվող Ֆեթհուլլահ Գյուլենն է, ով, սակայն, չի ընդունում իրեն ուղղված մեղադրանքները։

    «Թուրքիայում ընթացող դատավարությունները ցույց են տալիս, թե որքան է հեռացել այս երկիրը արևմտյան ժողովրդավարությունից, մարդու իրավունքներից և իրավունքի գերակայության սկզբունքից։ Էրդողանի բռնապետությունը պետք է կոչվի իր անունով։ Որքան էլ որ նա փակի իր ականջները, ԱՄՆ-ն և մյուս երկրները պետք է լսելի դարձնեն իրենց բողոքը», -գրում է «Washington Post»-ը։

     

    Աղբյուր`    BBC Türkçe

    Նման թեմաներ

    scroll to top