Կիրակի , 17 Դեկտեմբեր 2017

  •  USD   Առք` 481.00   Վաճառք` 484.50   ՀՀ ԿԲ` 483.55   
  •  EUR   Առք` 567.00   Վաճառք` 575.00   ՀՀ ԿԲ` 568.22   
  •  CHF   Առք` 479.00   Վաճառք` 492.00   ՀՀ ԿԲ` 487.70   
  •  GBP   Առք` 638.00   Վաճառք` 656.00   ՀՀ ԿԲ` 645.35   
  •  RUB   Առք` 8.16   Վաճառք` 8.33   ՀՀ ԿԲ` 8.18   
  •  GEL   Առք` 175.00   Վաճառք` 195.00   ՀՀ ԿԲ` 186.34   
outputra5huxgif
Sunny
Home » Լուրեր » Գալիք տարում յոթ պատմամշակութային հուշարձան է վերանորոգվելու

Գալիք տարում յոթ պատմամշակութային հուշարձան է վերանորոգվելու

Դեկտեմբեր 26, 2016 21:21 Լուրեր, Մշակույթ A+ / A-
AmiryanՀայաստանի Հանրապետության մշակույթի նախարար Արմեն Ամիրյանի նախաձեռնությամբ հաջորդ տարի լիարժեք կվերանորոգվի յոթ պատմամշակութային հուշարձան: Այս մասին լրագրողների հետ հանդիպմանը հայտնեց Արմեն Ամիրյանը:

«Տարեկան պատմամշակութային հուշարձանների ամրակայմանը, նորոգմանը հատկացվում է 250 միլիոն դրամ, իսկ մեր երկրի ողջ տարածքում կա 24 000 հուշարձան, հետևաբար հնարավոր չէ արագ բոլորը վերականգնել: Հաջորդ տարվա ընթացքում ամբողջությամբ կվերանորոգվի յոթը հուշարձան»,- նշեց նախարարը:

Նախարարի խոսքով` հուշարձանների պատրաստ լինելուն պես իրենք կհրավիրեն միջազգային կազմակերպությունների, դեսպանատների ներկայացուցիչների և միջոցառման ուղեկցությամբ դրանք շահագործման կհանձնվեն:

Ամիրյանը համոզված է, որ լավագույնս պահպանվում են այն հուշարձանները, որոնք լիարժեք վերանորոգված են և շահագործվում են:

«Քանի որ համայնքի ղեկավարը գիտակցում և հասկանում է, որ շահ ունի այդ հուշարձանից, որ դրա շուրջ կարող է հյուրատներ, հուշանվերների խանութներ կառուցել, ամեն ինչ անում է այն պահպանելու համար»,-շեշտեց նախարարը:

Նման թեմաներ

scroll to top