Երեքշաբթի , 12 Դեկտեմբեր 2017

  •  USD   Առք` 481.50   Վաճառք` 485.50   ՀՀ ԿԲ` 484.11   
  •  EUR   Առք` 564.00   Վաճառք` 572.00   ՀՀ ԿԲ` 570.43   
  •  CHF   Առք` 478.00   Վաճառք` 491.00   ՀՀ ԿԲ` 489.30   
  •  GBP   Առք` 634.00   Վաճառք` 653.00   ՀՀ ԿԲ` 646.00   
  •  RUB   Առք` 8.12   Վաճառք` 8.31   ՀՀ ԿԲ` 8.23   
  •  GEL   Առք` 169.00   Վաճառք` 189.00   ՀՀ ԿԲ` 184.77   
outputra5huxgif
Clear
Home » Լուրեր » Գազային համաձայնագիր. բոլորը գոհ են, բացի Ադրբեջանից

Գազային համաձայնագիր. բոլորը գոհ են, բացի Ադրբեջանից

Հունվար 12, 2017 13:32 Լուրեր, Տնտեսական A+ / A-

264120

«Գազպրոմը» վրացական կողմի հետ համաձայնության է եկել Ռուսաստանից դեպի Հայաստան գազի տարանցման փոխշահավետ պայմանների շուրջ, մասնավորապես, Վրաստանի կառավարությունը համաձայնել է ռուսական գազը դեպի Հայաստան տարանցման  դրամայնացման առաջարկին:

Բացի այդ, Վրաստանը ստացել է զեղչված սակագներով ռուսական գազ ձեռք բերելու հնարավորություն, եթե Վրաստանը կարիք ունենա ընդլայնելու սպառվող գազի ծավալները: Այսուհետ Վրաստանը Ռուսաստանից 1000 խմ գազը կգնի 185 դոլարով` նախկին 215-ի փոխարեն:

Հիշեցնենք, որ Վրաստանի գազամատակարարման 88 տոկոսը մատակարարում է Ադրբեջանը, և միայն 12 տոկոսը՝ Ռուսաստանը, որն ապահովվում է Ռուսաստանից դեպի Հայաստան տարանցման շնորհիվ` որպես տարանցման վճար:

Պետք է նշենք, որ ձեռք բերված պայմանավորվածությամբ տարանցման վճարի շուրջ 10 տոկոսը կիրականացվի դրամային հատուցմամբ` նախկինում իրականացվող հումքայինի փոխարեն: Միաժամանակ «Գազպրոմը», նվազեցված սակագին առաջարկելով, իրականացնում է մարքեթինգային քայլ, որն անշուշտ մոտ ապագայում կնպաստի իր շուկայի ընդլայնմանը, Ռուսաստանից գազի մատակարարման ծավալների ավելացմանը:

Անշուշտ, այն, ինչ վերաբերում է էներգակիրներին, դուրս է գալիս լոկ բիզնեսի և տնտեսական  շրջանակներից` ձեռք բերելով քաղաքական նշանակություն: Ռուսաստանը մեծացնելով Վրաստանի կախվածությունը ռուսական էներգակիրներից` նպաստում է տարածաշրջանում ուժերի զսպմանը և հավասարակշռմանը, ինչը Հայաստանի համար կարևոր ռազմաքաղաքական գործոն է:

Վրաստանը նույնպես գոհ է ձեռք բերված համաձայնությամբ: Նախևառաջ, այն շահավետ է տնտեսական առումով: Վրաստանի էներգետիկայի նախարարի գնահատմամբ՝ Վրաստանին վճարվող տարանցման վճարը ամենաբարձրերից է եվրոպական երկրներում գործող սակագներից: Այն լուրջ գումարներ է բերում պետական բյուջե:

Բացի այդ, Ռուսաստանից մատակարարվող էներգակիրների ծավալների ավելացումը կնպաստի դրանց դիվերսիֆիկացմանը` թուլացնելով Ադրբեջանի ազդեցությունը և միաժամանակ նպաստելով ռուս-վրացական հարաբերությունների ջերմացմանը:

Նշենք, որ դեռևս հստակեցված չէ, թե որ ամսվանից կգործի վերոնշյալ պայմանավորվածությունը, սակայն այն տեղի կունենա այս տարվա ընթացքում:

Ն.Սարգսյան

122488199673267500288781848048447njpg
scroll to top