Հինգշաբթի , 18 Հունվար 2018

    outputra5huxgif
    Cloudy
    Home » Լուրեր » Գերմանիան չի բացառում զորքերի դուրսբերումը նաև Թուրքիայի մյուս բազայից

    Գերմանիան չի բացառում զորքերի դուրսբերումը նաև Թուրքիայի մյուս բազայից

    Հուլիս 17, 2017 13:14 Լուրեր, Միջազգային A+ / A-

    D9471B4B-0737-450B-93A8-96D9E3AF1BF3_w1023_r1_s

    Հուլիսի 17-ին Գերմանիայի կանցլեր Անգելա Մերկելը հայտարարել է, որ եթե Թուրքիան շարունակի արգելել գերմանացի պատգամավորներին այցելել Քոնիայի ավիաբազայում իրենց զինծառայողներին, ապա իրենց իրավունք կվերապահեն այդ բազայից ևս զորքերը դուրս բերել: Մերկելն այս մասին հայտնել է գերմանական ARD հեռուստաընկերությանը տված հարցազրույցում:

    Գերմանիայի կանցլերը նշել է, որ Քոնիայում իրենց ստորաբաժանումը տեղակայվել է Թուրքիայի և ՆԱՏՕ-ի միջև ձեռքբերված համաձայնությամբ, և այդ խնդրով բանակցություններ կվարի նաև Հյուսիսատլանտյան Դաշինքը:

    Նույն օրն ավելի վաղ հայտնի էր դարձել, որ ՆԱՏՕ-ի գլխավոր քարտուղար Յենս Ստոլտենբերգը բանակցություններ է վարել Թուրքիայի և Գերմանիայի արտգործնախարարների հետ՝ կոչ անելով հարթել խնդիրը:

    Հիշեցնենք, որ Թուրքիան գերմանացի պատգամավորներին արգելել էր հուլիսի 17-ին այցելել Քոնիայում գերմանացի զինծառայողներին: Թուրքիայի ԱԳՆ-ից գերմանական գերատեսչություն ուղարկված նամակում նշվել էր.

    «Թուրք-գերմանական հարաբերությունները այս պահին այնքան վատն են, որ գերմանացի խորհրդարանականների այցը ավիաբազա չի կարող տեղի ունենալ»:

    Մինչ այդ էլ Թուրքիան մի քանի անգամ արգելել էր գերմանացի պաշտոնյաների այցը «Ինջիրլիքում» տեղակայված գերմանական ստորաբաժանում: Անարդյունք բանակցություններից հետո գերմանական կողմը ի վերջո դուրս բերեց իր զորքերը այդ բազայից՝ տեղափոխելով Հորդանան:

    Ինչ վերաբերում է Քոնիայում տեղակայված ստորաբաժանմանը, ապա, ինչպես արդեն նեշլ ենք, դա իրականացվել է ՆԱՏՕ-ի հետ համաձայնությամբ՝ Թուրքիայի օդային սահմանների անվտանգությունն ապահովելու նպատակով:

    Razm.info

    Նման թեմաներ

    122488199673267500288781848048447njpg
    scroll to top