Երեքշաբթի , 16 Հունվար 2018

    outputra5huxgif
    Mostly Cloudy
    Home » Լուրեր » Գումարը որոշ մարդկանց գրպանը գնալու փոխարեն կմտնի բյուջե

    Գումարը որոշ մարդկանց գրպանը գնալու փոխարեն կմտնի բյուջե

    Մայիս 18, 2017 14:30 Լուրեր, Տնտեսական A+ / A-

    18447501_1031799306951613_780352091973624450_n

    Իսկապես հարկերի աճ է գրանցվել, որը շարունակվել է նաև այս տարվա առաջին եռամսյակում: Այս մասին լրագրողների հետ հանդիպմանը նշեց «168 ժամ» թերթի տնտեսական մեկնաբան Բաբկեն Թունյանը, անդրադառնալով ՊԵԿ-ի նախագահի հայտարարությանը, որ 7 ամիսների ընթացքում 14-15 տոկոսով կրճատվել է ստվերը հիմնականում խոշոր բիզնեսի հատվածում, որի հետևանքով էլ հարկերի աճ է գրանցվել:

    Իսկ թե այդ աճը ի՛նչ ազդեցություն կունենա բնակչության կենսամակարդակի վրա, բանախոսն ընդգծեց. «Այդ ազդեցությունը չէր կարող միանգամից երևալ. օրինակ բերեմ` եթե տնտեսավարողն աշխատում էր 100 դրամ, դրա 20 դրամը վճարում էր որպես հարկ, որի 10 դրամը գնում էր բյուջե, 10 դրամն էլ գնում էր ինչ-որ կոնկրետ մարդկանց գրպանը, հիմա ամբողջ 20 դրամը կամ 19 դրամն է գնում բյուջե: Ըստ էության, տնտեսության ծավալները դրանից փոփոխություններ չեն  կրում, բայց գումարի տեղաշարժի ճանապարհն է փոխվել: Ազդեցությունը կզգացվի, երբ այդ գումարները սկսեն վերաբաշխվել, բայց ժամանակահատվածը չափազանց կարճ է, ու դժվար է ասել` հետո այս տեմպը կշարունակվի՞, թե՞ չէ»:

    Ինչ վերաբերում է նրան, թե ինչու է տնտեսավարողը նախընտրում իր գործունեությունը ստվերում ծավալել, Թունյանը նշեց. «Տնտեսավարողը մնում է ստվերում, եթե այդ ստվերում մնալու ծախսերն ավելի քիչ են, քան օրինական դաշտում աշխատելու ծախսերը, այսինքն` եթե մարդը գտնում է, որ հարկային տեսուչին կաշառք տալն իր վրա ավելի էժան է նստում, քան օրինական հարկեր մուծելը, նա կշարունակի մնալ ստվերում ու դժվար կլինի նրան օրինական դաշտ բերել: Այսինքն` հարկային դրույքաչափերը պետք է այնքան լինեն, որ գործարարի համար դա ավելորդ բեռ չդառնա, ու ինքը կարողանա թե՛ ներսի, թե՛ դրսի շուկաներում մրցունակ լինել: Այստեղ նաև կարևոր են հավասար մրցակցային պայմանները»:

    Նման թեմաներ

    122488199673267500288781848048447njpg
    scroll to top