Երեքշաբթի , 28 Փետրվար 2017

  •  USD   Առք` 484.50   Վաճառք` 488.50   ՀՀ ԿԲ` 486.70   
  •  EUR   Առք` 510.00   Վաճառք` 520.00   ՀՀ ԿԲ` 515.12   
  •  CHF   Առք` 457.00   Վաճառք` 488.00   ՀՀ ԿԲ` 483.46   
  •  GBP   Առք` 593.00   Վաճառք` 612.00   ՀՀ ԿԲ` 604.77   
  •  RUB   Առք` 8.31   Վաճառք` 8.53   ՀՀ ԿԲ` 8.43   
  •  GEL   Առք` 176.00   Վաճառք` 196.00   ՀՀ ԿԲ` 188.74   
outputra5huxgif
Sunny
Home » Լուրեր » Գյումրիում նշվել է Երիտասարդության համաշխարհային օրը

Գյումրիում նշվել է Երիտասարդության համաշխարհային օրը

Նոյեմբեր 11, 2016 11:34 Լուրեր, Մշակույթ A+ / A-

himnadram-472x265

Գյումրիի «Սև ամրոց» համալիրում կայացած համերգով մեկնարկել է Հայաստանի երիտասարդական հիմնադրամի և ՀՀԿ երիտասարդական կազմակերպության միջոցառումների շարքը՝ նվիրված երիտասարդական տոներին։ Շիրակի մարզի ավելի քան 2000 երիտասարդների հաճելի երեկո պարգևեց «Ռեինկարնացիա» խումբը։

Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը, տոների առթիվ շնորհավորելով Շիրակի մարզի երիտասարդներին, նշեց, որ տարվա ընթացքում ՀԵՀ կողմից կազմակերպված միջոցառումները մեծ ընդգրկում ունեն մարզերում. «Մենք ուզում ենք, որպեսզի երիտասարդը, լինի նա Շիրակում թե Սյունիքում, որևէ խնդիր չունենա, նրանց համար կազմակերպված միջոցառումները չտարբերվեն մայրաքաղաքի երիտասարդների համար իրականացվող ծրագրերից։ Այս նախաձեռնությունը հենց դրան է միտված»։ Կարեն Ավագյանը հատկապես շնորհավորեց սահմանին մեր անդորրը պահպանող զինվորների տոնը։ Ներկաները ոգեկոչեցին նաև ապրիլյան պատերազմի ընթացքում զոհված տղաների հիշատակը։

Գյումրիի քաղաքապետ Սամվել Բալասանյանը նույնպես ողջունեց երիտասարդներին և նշեց, որ տոնը համախմբման խորհուրդ ունի։ Նա հավաստիացրեց, որ Գյուրիի քաղաքապետարանն ամեն ինչ անում է երիտասարդների խնդիրները լուծելու համար, և մեծ են իրենց հույսերը երիտասարդների ու պատանիների հետ կապված։

Կարինե Մնացականյանը համերգի մասնակիցներից էր, ապրում է Գյումրիում ու ասում, որ նման միջոցառումներ իրենց մոտ հաճախ չեն կազմակերպվում, մինչդեռ իրենք դրա կարիքն ունեն։ Նա հույս հայտնեց, որ իրենց քաղաքում դրանք շարունակական կլինեն։

Նշենք, որ երիտասարդական տոներին նվիրված մշակութային ու մարզական միջոցառումները շարունակվելու են Վանաձորում և Երևանում։

 

Հայաստանի երիտասարդական հիմնադրամի

հասարակայնության հետ կապերի ծառայություն

Նման թեմաներ

122488199673267500288781848048447njpg
scroll to top