Կիրակի , 25 Օգոստոս 2019

    outputra5huxgif
    °
    Home » Լուրեր » Գյումրիում Փաշինյանին կոշիկ նվիրեցին

    Գյումրիում Փաշինյանին կոշիկ նվիրեցին

    Գյումրիում Փաշինյանին կոշիկ նվիրեցին
    Հուլիս 20, 2019 12:21 Լուրեր, Հասարակություն A+ / A-

    Վարչապետ Նիկոլ Փաշինյանը Գյումրիում մասնակցում է «Իմ քայլը հանուն Շիրակի մարզի» գործարար համաժողովին: Նա քաղաքում ծանոթանում է հայ գործարարների արտադրանքին ու խնդիրներին:

    «Առաջիկայում մենք արդեն կկողմնորոշվենք, թե որ սեգմենտին ինչ տարբերակ ենք առաջարկում: Էկոնոմիկայի նախարարն այդ հարցով զբաղվում է»,- ասաց Նիկոլ Փաշինյանը:

    Նա գործարարներին տեղեկացրեց, որ հունվարից 24 մլն դրամ տարեկան շրջանառությունը չգերազանցող փոքր բիզնեսները կազատվեն հարկերից:

    «Այդ գումարը կարող եք ներդնել բիզնեսից: Իմիջիայլոց, հունվարի մեկից ոչ միայն հարկ չեք վճարի, այլև ամեն աշխատողի համար, եթե 24 մլն է շրջանառությունը, եկամտահարկը դառնալու է 5000 դրամ»,- ասաց վարչապետը:

    Ամասիայի բրդի գործարանի ներկայացուցիչները հայտնեցին, որ երեկ առաջին արտադրանքն են թողարկել, որն այսօր ներկայացրեցին վարչապետին: Փաշինյանը կարևորեց այս գործարանի բացումը, ասաց, որ իրենց լիազորությունների շրջանակում ամեն ինչ կանեն արտահանման և այլ հարցերում օգնելու համար:

    Գյումրեցի կոշիկ արտադրող մի քանի ընկերություններ իրենց արտադրանքը ներկայացրին Նիկոլ Փաշինյանին: «Գյումրիում կոշիկի արտադրությունը լավ զարգացած է»,- նկատեց վարչապետը:

    Ցուցահանդեսի մասնակից գործարարները նաև կոշիկ և այլ իրեր նվիրեցին վարչապետին ու նրա ընտանիքի անդամներին: Նիկոլ Փաշինյանն ասաց, որ հայկական արտադրության նվերները կկրի, որպեսզի գովազդ անի:


    Նման թեմաներ

    scroll to top