Հինգշաբթի , 14 Դեկտեմբեր 2017

  •  USD   Առք` 480.50   Վաճառք` 484.50   ՀՀ ԿԲ` 483.55   
  •  EUR   Առք` 566.00   Վաճառք` 574.00   ՀՀ ԿԲ` 568.22   
  •  CHF   Առք` 480.00   Վաճառք` 493.00   ՀՀ ԿԲ` 487.70   
  •  GBP   Առք` 637.00   Վաճառք` 656.00   ՀՀ ԿԲ` 645.35   
  •  RUB   Առք` 8.13   Վաճառք` 8.33   ՀՀ ԿԲ` 8.18   
  •  GEL   Առք` 174.00   Վաճառք` 194.00   ՀՀ ԿԲ` 186.34   
outputra5huxgif
Sunny
Home » Լուրեր » Հակադոպինգային ուսուցողական սեմինարներ կանցկացվեն

Հակադոպինգային ուսուցողական սեմինարներ կանցկացվեն

Հոկտեմբեր 11, 2017 14:00 Լուրեր, Միջազգային, Սպորտ A+ / A-

doping1

Հոկտեմբերի 11-15-ը ՀՀ սպորտի և երիտասարդության հարցերի նախարարության սպորտային բժշկության և հակադոպինգային ծառայության հանրապետական կենտրոնը հակադոպինգային հարցերի վերաբերյալ ուսուցողական սեմինարներ կանցկացնի Երևանում, Գյումրիում, նաև Թբիլիսիում՝ Վրաստանի հակադոպինգային գործակալության հետ համատեղ:

Այս մասին հայտնում է ՀԱՕԿ-ի պաշտոնական կայքը:

Ծրագիրն իրականացվում է ՅՈՒՆԵՍԿՕ-ի դրամաշնորհի շրջանակներում:

Այն նվիրված է հայ և վրացի ըմբիշների հակադոպինգային գիտելիքների ձեռքբերմանը: Սեմինարներին մասնակցելու է նաև ըմբշամարտի միջազգային ֆեդերացիայի (UWW) փոխտնօրեն, հակադոպինգային հարցերի պատասխանատու Կառլոս Ռոուն:

Սեմինարների նպատակն է ըմբիշներին և մարզիչներին ծանոթացնել միջազգային ֆեդերացիայի հակադոպինգային կանոնների նոր պահանջներին, արգելված նյութերի վնասակար ազդեցությանը և 2018 թ. արգելված նյութերի ու մեթոդների ցուցակին.

«Ընտրել ենք ըմբշամարտը, քանի որ վերջին երեք տարվա ընթացքում մենք ունենք դոպինգ ստուգման երկու դրական արդյունք և երեք զգուշացում մեր ըմբիշներին: Ինչպես նաև, ըստ WADA-ի, 2016 թ. աշխարհում դոպինգ օգտագործած ամենաշատ մարզիկները հենց ըմբիշներն են՝ 2.7 տոկոս»,- ՀԱՕԿ լրատվականի հետ զրույցում ասել է Հայաստանի հակադոպինգային ծառայության պետ Արեգ Հովհաննիսյանը:

Հովհաննիսյանը նշել է, որ նախագծի շրջանակներում Հայաստանի ըմբշամարտի ֆեդերացիան և առաջատար մարզադպրոցները կստանան UWW-ի հակադոպինգային կանոնները հայերեն թարգմանությամբ, ինչպես նաև արգելված նյութերի հիմնական ցուցակն ու հակադոպինգային կանոնների հնարավոր խախտումները և պատժամիջոցները:

Նման թեմաներ

122488199673267500288781848048447njpg
scroll to top