Ուրբաթ , 22 Հունիս 2018

    outputra5huxgif
    Partly Cloudy
    26°
    Home » Լուրեր » ՀԱՊԿ-ը Հայաստանի անվտանգության երաշխավորը չէ

    ՀԱՊԿ-ը Հայաստանի անվտանգության երաշխավորը չէ

    Հոկտեմբեր 13, 2017 17:47 Լուրեր, Քաղաքական A+ / A-

    Untitled

    Բավական ժամանակ է անցել, ինչ Հայաստանի հանրությունը, մամուլը, փորձագետները, քաղաքական գործիչները և բոլոր ինստիտուտները ձևավորեն այն մտածելակերպը, որ ՀԱՊԿ-ը սիրուն 4 տառ է` թղթի վրա գրված: Նման կարծիք այսօր լրագրողների հետ հանդիպմանը նշեց քաղաքագետ Թևան Պողոսյանը և հավելեց. «Բուն իր իմաստով ամեն երկիր այնտեղ գտնվում է սեփական շահերից ելնելով: Մենք ունեցել ենք Արցախյան պատերազմի ակտիվ շրջան` 91-94 թվականները, հետո անցել են գործընթացներ, 2016-ին մենք ունեցանք ապրիլյան սրացումներ, ինձ թվում է` այդ դասերը բավարար էին, որ այլևս չզարմանանք ո´չ ՀԱՊԿ վարքագծի վրա, ո´չ իրենց ասածների»:

    Թևան Պողոսյանը նաև ընդգծեց, որ ՀԱՊԿ պահվածքից զարմանալու փոխարեն պետք է փորձենք օգուտ քաղել. «Հիմա ՀԱՊԿ-ը Հայաստանում զորավարժություններ է անում, խնդիրը բարձրացնենք հետևյալ հարցով. արդյոք ՀՀ զինված ուժերում կարողացա՞ն նոր գիտելիքներ, հմտություններ ձեռք բերել այդ համատեղ վարժություններից: Թե չէ ՀԱՊԿ-ի վրա հույս եք դրել, որ պաշտպանելո՞ւ են մեզ: Հավատո՞ւմ եք, որ Բելառուսը, Ղազախստանը կամ Ղրղզստանը գալու են այստեղ, մեր սահմաններն են պաշտպանելու: Եթե չենք հավատում, եկեք թեման օրակարգային չսարքենք: Մեր օրակարգում հիմա հազարավոր այլ խնդիրներ կան»:

    Ասուլիսին ներկա մյուս բանախոս քաղաքագետ Հովհաննես Իգիթյանն էլ նշեց. «ՀԱՊԿ-ի վտանգը Հայաստանի համար Ղազախստանի նախագահի հայտարարությունները չեն կամ բարեկամությունը չէ Թուրքիայի կամ Ադրբեջանի հետ, կամ Բելառուսի նախագահի հայտարարությունները չեն: ՀԱՊԿ-ի վտանգը Հայաստանի համար հետևյալն է, որ Հայաստանի իշխանություններն իրենց անվտանգությունը ոչ միայն կապել են ՀԱՊԿ-ի հետ, այլև համարում են հարցը լուծված և կայացած»:

    Նրանք նաև հավելեցին, որ Հավաքական անվտանգության պայմանագրի կազմակերպությունը գոյություն ունի միայն թղթի վրա և որևէ կերպ Հայաստանի անվտանգության երաշխավորը չէ:

    Նման թեմաներ

    scroll to top