Երկուշաբթի , 22 Հունվար 2018

    outputra5huxgif
    Cloudy
    Home » Լուրեր » Հայ գեղասահորդները պատրաստվում են Եվրոպայի առաջնությանը

    Հայ գեղասահորդները պատրաստվում են Եվրոպայի առաջնությանը

    Հայ գեղասահորդները պատրաստվում են Եվրոպայի առաջնությանը
    Հունվար 9, 2018 12:35 Լուրեր, Միջազգային, Սպորտ A+ / A-

    Հունվարի 15-ից 21-ը Մոսկվայում կանցկացվի գեղասահքի Եվրոպայի առաջնությունը, որտեղ Հայաստանը կներկայացնեն Սլավիկ Հայրապետյանը և Թինա Կարապետյան /Սիմոն Պրու Սենեկալ պարային երկյակը:

    Անաստասիա Գալուստյանի մասնակցությունը հարցականի տակ է: Այս մասին ՀԱՕԿ լրատվականի հետ զրույցում հայտնեց Հայաստանի գեղասահքի ֆեդերացիայի նախագահ Մելանյա Ստեփանյանը:

    Նա ասել է նաև, որ Թինայի և Սիմոնի՝ Փհենչհանի օլիմպիական խաղերին մասնակցելու հնարավորությունը դեռ պահպանվում է:

    Իսրայելը ներկայացնող պարային զույգը, որն օլիմպիական վարկանիշ էր նվաճել, մինչև այժմ մասնակցության հայտ չի ներկայացրել: Վերջնականապես ամեն ինչ պարզ կդառնա, երբ ՄՕԿ-ը հրապարակի Չմշկորդների միջազգային միության (ISU) կողմից ներկայացված Օլիմպիական խաղերի մասնակիցների ցուցակը:

    «Օրերս Սլավիկ Հայրապետյանն ԱՄԷ-ի մայրաքաղաք Աբու-Դաբիում մասնակցեց FBMA Trophy միջազգային մրցաշարին, որտեղ ընդամենը երկու գեղասահորդ հանդես եկավ: Սլավիկն իր ծրագիրը լավ կատարեց՝ կարճ և կամավոր ծրագրերի ընդհանուր հաշվարկով վաստակելով 208.63 միավոր: Նա գերազանցեց Իռլանդիան ներկայացնող իր միակ մրցակցին: Մրցակցային պայքար, որպես այդպիսին, չստացվեց, բայց մեր մարզիկի համար Եվրոպայի առաջնության մեկնարկից առաջ կարևոր էր զգալ սառույցը պաշտոնական իրավիճակում:

    Սլավիկը վերադարձել է Երևան և իր հոր, մարզիչ Սամվել Հայրապետյանի գլխավորությամբ շարունակում է պատրաստվել Մոսկվայի մրցելույթներին: Նրա հետ միասին Իրինա Ռոդնինայի անվան մարզադպրոցում տարվա առաջին կարևոր մեկնարկից առաջ մարզվում է նաև Իգոր Ռեզնիչենկոն (Լեհաստան): Նրա հետ աշխատում է մեր հայրենակից, ISU- ի տեխնիկական մասնագետ Սարգիս Թևանյանը:

    Ինչ վերաբերում է Հայաստանի հավաքականի մյուս անդամներին, Թինան և Սիմոնը հիմա մարզվում են Կանադայում, որտեղից անմիջապես մրցավայր կմեկնեն: Անաստասիա Գալուստյանը ոտքի վնասվածքից դեռ չի վերականգնվել: Նա շարունակում է բուժում ստանալ, հուսամ՝ մինչև Եվրոպայի առաջնությունը կվերականգնվի: Մոսկվայում կհավաքվենք հունվարի 14-ին»,-եզրափակել է իր խոսքը Մելանյա Ստեփանյանը:

    Նման թեմաներ

    scroll to top