Հինգշաբթի , 22 Փետրվար 2018

    outputra5huxgif
    Mostly Cloudy
    Home » Լուրեր » Հայաստանի բանկերն ամենաքիչ հարկերն են վճարում

    Հայաստանի բանկերն ամենաքիչ հարկերն են վճարում

    Սեպտեմբեր 13, 2017 14:02 Լուրեր, Տնտեսական A+ / A-

    1234

    Խորհրդարանում քննարկվում է «Բանկերի եւ բանկային գործունեության մասին» Հայաստանի Հանրապետության օրենքում փոփոխություններ եւ լրացումներ կատարելու մասին» նախագիծը: Օրենսդիր մարմնի անդամներն անդրադարձան բանկերի գործունեությանն ու գերշահույթներ ստանալուն:
    Վայոց ձորի նախկին մարզպետ, «Ծառուկյան» դաշինքի պատգամավոր Սերգեյ Բագրատյանն ասաց, որ Հայաստանում երբեք լողացող փոխարժեքը քաղաքացու օգտին չէ:
    Օրենսդիր մարմնի անդամին մտահոգում է բանկերի գերշահույթ ստանալու քաղաքականությունը: ԿԲ փոխնախագահ Ներսես Երիցյանին պատգամավորը հարցրեց՝ մինչեւ ե՞րբ է այս ամենը շարունակվելու, ե՞րբ են բանկերը դառնալու մեր պետության գործընկերը, հիմա բանկերը գործում են բիզնես շահի տեսանկյունից: «Կարծում եմ՝ ի տարբերություն մյուս երկրների, մեր բանկերն ամենաքիչ հարկեր են վճարում: Ոչ մի սոցիալական ծրագիր բանկերը չեն իրականացնում: Միայն ժողովրդի վերջին կոպեկը թալանեն ու իրենց բանկային պայմանագրերում ծիծաղելի պայմաններ առաջարկեն»,- հայտարարեց «Ծառուկյան» դաշինքի անդամը:
    Սերգեյ Բագրատյանը ծիծաղելի համարեց այն հայտարարությունը, թե 7 օր քաղաքացին կարող է ծանոթանալ բանկի հետ կնքվելիք պայմանագրին: «Որեւէ մեկս 7 օր պայմանագիր չի նայի ու չի ստորագրի: Բոլորիս էլ սեղանի վրա ստիպում են շուտ ստորագրել: Ասում են՝ շուտ արա, բանկն ուշացավ, գործը փակվեց: Հոգեբանական այնպիսի ճնշում են գործադրում, որ քաղաքացին ստիպված ստորագրում է, հույս ունենալով, որ բանկը խաբեությամբ չի զբաղվի: Բայց ժամանակը ցույց տվեց, որ մեր քաղաքացիները խաբվեցին: Մի ամբողջ գյուղ երաշխավորագիր է տվել բանկին մեկի համար, ու հիմա նրանց բոլորի հաշիվները կալանքի տակ են: Պետք է զսպենք բանկերի ախորժակը»,- ավարտեց իր խոսքը պատգամավորը:
    ՍՈՆԱ ԴԱՎԹՅԱՆ

    Նման թեմաներ

    scroll to top