Հինգշաբթի , 30 Մարտ 2017

  •  USD   Առք` 482.00   Վաճառք` 485.50   ՀՀ ԿԲ` 483.82   
  •  EUR   Առք` 516.00   Վաճառք` 526.00   ՀՀ ԿԲ` 522.04   
  •  CHF   Առք` 460.00   Վաճառք` 491.00   ՀՀ ԿԲ` 486.84   
  •  GBP   Առք` 589.00   Վաճառք` 607.00   ՀՀ ԿԲ` 601.53   
  •  RUB   Առք` 8.45   Վաճառք` 8.62   ՀՀ ԿԲ` 8.49   
  •  GEL   Առք` 186.00   Վաճառք` 206.00   ՀՀ ԿԲ` 198.29   
outputra5huxgif
Clear
Home » Լուրեր » Հայաստանի ժողովրդավարության գնդակահարումը. հարցեր, որոնց պատասխանը չկա (տեսանյութ)

Հայաստանի ժողովրդավարության գնդակահարումը. հարցեր, որոնց պատասխանը չկա (տեսանյութ)

Հոկտեմբեր 27, 2016 10:33 Լուրեր, Վերլուծական, Տեսանյութ, Քաղաքական A+ / A-

17 տարի առաջ այս օրը Ազգային ժողով- Կառավարություն հարցուպատասխանի ժամանակ ահաբեկչական հարձակման զոհ դարձան ԱԺ նախագահ Կարեն Դեմիրճյանը, վարչապետ Վազգեն Սարգսյանը, ԱԺ փոխնախագահներ Յուրի Բախշյանը և Ռուբեն Միրոյանը եւ չորս այլ պետական գործիչներ ու ԱԺ պատգամավորներ:

Պետության համար ճակատագրական այս գործը դատարանը քննեց երեք տարի: Դատավճիռը հրապարակվեց 2003 թ. դեկտեմբերի 3-ին: Ըստ պաշտոնական գնահատականի՝ կատարվել էին հնարավոր բոլոր անհրաժեշտ քննչական և օպերատիվ-որոնողական գործողությունները՝ 172 հարցաքննություն, բազմաթիվ առերեսումներ, զննություններ, առգրավումներ, նշանակվել փորձաքննություններ։ Պահանջվել և ուսումնասիրվել էին բազմաքանակ փաստաթղթեր։ Օպերատիվ-հետախուզական միջոցառումներ ձեռնարկելու վերաբերյալ ՀՀ ոստիկանությանը, ազգային անվտանգության ծառայությանը, ռազմական ոստիկանությանը, ինչպես նաև հետաքննության այլ մարմիններին տրվել է 46 հանձնարարություն։ Այս ամենը, սակայն, բավարար չէր, որպեսզի իրական կազմակերպիչները հայտնվեին ճաղերի ետեւում. համոզված է ՀԱԿ խմբակցության ղեկավար Լեւոն Զուրաբյանը:

ԱԺ ՕԵԿ խմբակցության պատգամավոր Հովհաննես Մարգարյանն էլ նշում է, թե ահաբեկչությունը հարված էր պետությանը: Փորձ արվեց գլխատել Հայաստան պետությունը: Հանցագործությունը բացահայտելու ուղղությամբ ձեռնարկված քայլերը նա արդյունավետ չի համարում, ասելով, թե ժամանակավոր հանձնաժողովներ ստեղծվեցին, բայց հասարակությանը հուզող բազմաթիվ հարցեր շարունակում են մնալ չբացահայտված:

Իշխանության ներկայացուցիչները, սակայն, հակադարձում են. հոկտեմբերի 27-ի ոճրագործությունը իրավական տեսանկյունից բացահայտված է: Պատմությունը ժամանակի ընթացքում կանդրադառնա տեղի ունեցածին՝ նշում է ԱԺ ՀՀԿ խմբակցության ղեկավար Վահրամ Բաղդասարյանը: 1999 թվականի հոկտեմբերի 27-ի գործով դատավարությունը չտվեց հիմնական հարցի պատասխանը՝ ինչու եւ ինչպես եղավ:

Պետական բարձրաստիճան պաշտոնյաներին դաժանաբար գնդակահարած ահաբեկիչները 2003 թվականի դեկտեմբերի 2-ի դատավճռով դատապարտվեցին ցմահ ազատազրկման, հանցախմբի եւս մեկ անդամ դատապարտվեց 14 տարվա ազատազրկման: Նրանցից երեքը հետագայում տարբեր հանգամանքներում մահացան. Նորայր Եղիազարյանը էլեկտրահարվեց, ոճրագործ եղբայրների քեռին՝ Վռամ Գալստյանը, ինքնասպանություն գործեց, իսկ Համլետ Ստեփանյանը հանկարծամահ եղավ: Դեպքերի ականատեսներից մի քանիսը, որոնք արագ հայտնվեցին Հայաստանի սահմաններից դուրս, կասկածելի հանգամանքներում մահացան: Արդյունքում՝ հասարակությունը չի հավատում, որ ոճրագործները գործել են միայնակ: 27-ի հանցագործությունը լիարժեք բացահայտված չէ: Տասնյոթ տարի անց հասարակությանը հայտնի է այն, ինչ հայտնի էր 1999 թվականի հոկտեմբերի 27-ին:

Փայլակ Ֆահրադյան

122488199673267500288781848048447njpg
scroll to top