Հինգշաբթի , 21 Սեպտեմբեր 2017

  •  USD   Առք` 476.50   Վաճառք` 480.00   ՀՀ ԿԲ` 478.38   
  •  EUR   Առք` 570.00   Վաճառք` 578.00   ՀՀ ԿԲ` 573.43   
  •  CHF   Առք` 483.00   Վաճառք` 501.00   ՀՀ ԿԲ` 496.50   
  •  GBP   Առք` 636.00   Վաճառք` 654.00   ՀՀ ԿԲ` 645.77   
  •  RUB   Առք` 8.17   Վաճառք` 8.35   ՀՀ ԿԲ` 8.23   
  •  GEL   Առք` 184.00   Վաճառք` 203.00   ՀՀ ԿԲ` 193.28   
outputra5huxgif
°
Home » Լուրեր » Հենրիխ Մխիթարյան. Մեծ պատիվ է գիտակցել, որ ամբողջ հայ ազգն ինձ հետ է

Հենրիխ Մխիթարյան. Մեծ պատիվ է գիտակցել, որ ամբողջ հայ ազգն ինձ հետ է

Հուլիս 17, 2017 23:39 Լուրեր, Ֆուտբոլ A+ / A-

2

Անգլիական «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը ծավալուն հարցազրույց է տվել իսպանական «Marca» պարբերականին:

-Լինելով հայ ամենահայտնի ֆուտբոլիստն աշխարհի մեծագույն ակումբներից մեկում՝ զգո՞ւմ ես հավելյալ ճնշում ամեն շաբաթ լավ հանդես գալու համար:

-Դա մեծ պատիվ է, սակայն նույն ժամանակ պատասխանատվություն: Պատիվ է իմանալ, որ ամբողջ ազգն ինձ հետ է, սակայն պատասխանատվություն է միշտ լավ ելույթ ունենալ՝ նրանց ոգին բարձր պահելու համար: Յուրահատուկ զգացողություն է տեսնել, թե ինչպես են մարդիկ հպարտանում քեզնով, սակայն երբ դաշտ եմ մտնում, կենտրոնանում եմ միայն խաղի վրա:

-Կարիճ հարվածը քո լավագո՞ւյն գոլն է: Կփորձե՞ս կրկնել այն:

-Կարիճ հարվածով գոլը լավագույնն է, սակայն իմ ամենակարևոր խփած գնդակը Եվրոպա լիգայի եզրափակչին է: Կարիճ հարվածը նախապես չէի ծրագրել: Այդ պահին միայն այդպես կարող էի հարվածել:

-Ի՞նչ ես սովորել Մանչեսթերում անցկացրած ժամանակ և ինչպե՞ս կարող ես բարելավել քո խաղը:

-Ամեն օր շարունակում եմ սովորել և չկան սահմանափակումներ առաջադիմելու համար: Կշարունակեմ ջանասիրաբար աշխատել, ինչպես դա արել եմ ամբողջ կարիերայիս ընթացքում:

-Ինչի՞ կարող է հասնել «Մանչեսթեր Յունայթեդը» մեկնարկող մրցաշրջանում:

-Մեր նպատակն է հաղթել ամեն խաղում, և հույս ունենանք այդպես էլ կլինի բոլոր մրցաշարերում: Չեմպիոնների լիգան մեր թիմի ԴՆԹ-ում է: «Մանչեսթեր Յունայթեդը» Չեմպիոնների լիգան է և Չեմպիոնների լիգան «Մանչեսթեր Յունայթեդն» է:

-Ի՞նչն է քո անձնական ամբիցիան 2017-2018 մրցաշրջանում:

-Որպես խաղացող, անհատ, ունեմ իմ ամբիցիաները: Սակայն ժամանակն է շնորհակալություն հայտնել ակումբի երկրպագուներին այն ամենի համար, ինչ նրանք մեզ տվել են: Միշտ կանեմ առավելագույնը, ինչ կարող եմ:

-Մտադի՞ր ես մասնակցել Հայաստանում ֆուտբոլային ակադեմիայի զարգացմանը:

-Մտածել եմ այդ մասին և կցանկանամ հետագայում սովորեցնել հայ երեխաներին իմ ֆուտբոլային փիլիսոփայությանը:

Նման թեմաներ

122488199673267500288781848048447njpg
scroll to top