Երկուշաբթի , 25 Սեպտեմբեր 2017

  •  USD   Առք` 476.00   Վաճառք` 479.50   ՀՀ ԿԲ` 477.88   
  •  EUR   Առք` 566.00   Վաճառք` 574.00   ՀՀ ԿԲ` 573.60   
  •  CHF   Առք` 478.00   Վաճառք` 496.00   ՀՀ ԿԲ` 493.63   
  •  GBP   Առք` 635.00   Վաճառք` 654.00   ՀՀ ԿԲ` 648.24   
  •  RUB   Առք` 8.20   Վաճառք` 8.38   ՀՀ ԿԲ` 8.31   
  •  GEL   Առք` 182.00   Վաճառք` 203.00   ՀՀ ԿԲ` 192.31   
outputra5huxgif
Sunny
18°
Home » Լուրեր » Հնարավո՞ր է բարեփոխումների պարագայում տրանսպորտի ուղեվարձը բարձրանա

Հնարավո՞ր է բարեփոխումների պարագայում տրանսպորտի ուղեվարձը բարձրանա

Օգոստոս 11, 2017 14:25 Լուրեր, Հասարակություն A+ / A-

Vahe-Nikoyan

Տրանսպորտային բարեփոխումների հարցերով ներգրավված խորհրդատու կազմակերպության և մասնագիտական աշխատանքային խմբի կատարած աշխատանքն այսօր քաղաքապետարանում լրագրողների հետ հանդիպմանը ներկայացրեց Երևանի փոխքաղաքապետ Վահե Նիկոյանը:

Նրա խոսքով` խորհրդատու կազմակերպությունն արդեն իսկ չորս հաշվետվություն է ներկայացրել մասնագիտական աշխատանքային խմբին, որոնցում մասնագիտական գնահատական է տրվել առկա վիճակին, առաջարկություններ են ներկայացվել տրանսպորտային համակարգի օպտիմալացման հնարավորությունների, սակագնի և այլնի վերաբերյալ. «Մենք բազմիցս ասել ենք, որ մեր երթուղային ցանցն արդյունավետ չէ, և այդ առումով կա նաև հաշվետվություն, և այդ ոչ արդյունավետությունը` սկսած կրկնվող գծերից վերջացրած երթուղիների ոչ արդյունավետությամբ, հիմնավորվել է նաև խորհրդատուի կողմից տրված հաշվետվությամբ: Այս պահին արդեն երթուղային ցանցը նախագծման փուլում է»:

Ինչ վերաբերում է հարցին` հնարավո՞ր է, որ կատարվելիք բարեփոխումներն արվեն տրանսպորտի սակագնի բարձրացման հաշվին, Նիկոյանը նշեց. «Քաղաքապետարանի հիմնական նպատակներից է, և ձեռնարկվել են բոլոր հնարավոր միջոցները, որ գինը չթանկանա: Մենք այս պահին գնի հաշվարկ խորհրդատուի կողմից չենք ստացել, և բնական է, որ երթուղային ցանցի վերջնականացումից և չափորոշիչների սահմանումից հետո է միայն հնարավոր հաշվել այդ ցանցի իրագործման ծախսերը և, որպես հետևանք, նաև ուղևորափոխադրման գինը: Բայց այն, որ գինը չբարձրացնելը դրվել է որպես կարևոր պայման խորհրդատուի պայմանագրի առաջադրանքում` փաստ է»:

Փոխքաղաքապետը նաև հավելեց. «Գինը չպետք է լինի բարձր կամ ցածր, այն պետք է լինի արդար և հասանելի: Եվ մենք ամեն ինչ կանենք, որ առանց գնի բարձրացման, նաև որոշակի կառուցվածքային փոփոխություններով, կարողանանք բարեփոխումներ իրականացնել»։

Նման թեմաներ

122488199673267500288781848048447njpg
scroll to top