Երկուշաբթի , 11 Դեկտեմբեր 2017

  •  USD   Առք` 482.50   Վաճառք` 486.50   ՀՀ ԿԲ` 485.25   
  •  EUR   Առք` 568.00   Վաճառք` 576.00   ՀՀ ԿԲ` 569.44   
  •  CHF   Առք` 479.00   Վաճառք` 492.00   ՀՀ ԿԲ` 486.81   
  •  GBP   Առք` 638.00   Վաճառք` 656.00   ՀՀ ԿԲ` 653.97   
  •  RUB   Առք` 8.11   Վաճառք` 8.28   ՀՀ ԿԲ` 8.18   
  •  GEL   Առք` 167.00   Վաճառք` 187.00   ՀՀ ԿԲ` 180.81   
outputra5huxgif
Sunny
Home » Մամուլ » «Հրապարակ». Նալբանդյանի հե՞տ է կանգնում իր խոսքից

«Հրապարակ». Նալբանդյանի հե՞տ է կանգնում իր խոսքից

«Հրապարակ». Նալբանդյանի հե՞տ է կանգնում իր խոսքից
Դեկտեմբեր 5, 2017 8:46 Մամուլ A+ / A-

«Հրապարակ» թերթը գրում է. «Մարտի 1-ին Արցախում գտնված ԱԳ նախարար Էդվարդ Նալբանդյանը ԼՂ նախագահ Բակո Սահակյանի հետ հանդիպումից հետո էր դեռեւս հայտարարել, որ մինչեւ տարեվերջ մի երկիր կճանաչի Արցախի անկախությունը:

ԱԳՆ խոսնակ Տիգրան Բալայանին հիշեցրինք, որ տարին ավարտվում է, ե՞րբ տեղի կունենա ճանաչումը: Պարզվեց՝ լրատվամիջոցները «խեղաթյուրել» են նախարարի խոսքը (չնայած այդ օրվա ողջ մամուլը ուղիղ մեջբերմամբ էր ցիտել նախարարին). «Նայեք մեր կայքը. նախարարը չի ասել` կճանաչի, այլ ասել է` բացառված չէ, որ ճանաչի։ Ասվածն ուժի մեջ է եւ հեռու չէ իրականությունից»:

Ե՞րբ կլինի «ասվածը»։ «Ժամկետները դժվար է ասել»: Իսկ հնարավո՞ր է ձեր կայքում են «խեղաթյուրվել» նախարարի մտքերը։ «Անհնար է. որեւէ շեղում նախարարի ուղիղ խոսքից մենք երբեք թույլ չենք տալիս. խմբագրումներ արվում են, շեղումներ` երբեք»:

Իսկ ո՞ր երկրի մասին է խոսքը՝ Ուրուգվայի՞: «Ոչ։ Նախ՝ մեկ երկրով չի սահմանափակվում մեր աշխատանքը, եւ հետո` դիվանագիտական չէ մոտեցումը, երբ որեւէ երկրի անուն է հնչեցվում»: Նկատի ունեք դաշնակցականների «ոչ դիվանագիտությո՞ւնն» Ուրուգվայի հարցում. ասում են՝ եթե նրանք չհնչեցնեին երկրի անունը, հնարավոր է Ուրուգվայը ճանաչեր Ղարաբաղի անկախությունը: Պատասխան չհնչեց»:

Առավել մանրամասն՝ թերթի այսօրվա համարում

Նման թեմաներ

scroll to top